லோகேஷ் கனகராஜ் இயக்கத்தில் உருவாகி இன்று (03/06/2022) வெளியாகிவுள்ள படம் ‘விக்ரம்’ ஆகும். கமல்ஹாசன் கதாநாயகனாக நடித்திருக்கும் இந்த படத்தில் விஜய் சேதுபதி, பகத் பாசில், நரேன், அர்ஜுன் தாஸ், காளிதாஸ் ஜெயராம் உள்ளிட்ட பல பேர் நடித்துள்ளனர். அத்துடன் சூர்யா கவுரவ வேடத்தில் நடித்துள்ளார். இந்த படத்தை கமல்ஹாசன் தன் சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் வாயிலாக தயாரிக்கிறார்.
அனிருத் இசை அமைக்கும் இந்த படத்திற்கு கிரிஷ் கங்காதரன் ஒளிப்பதிவு செய்து இருக்கிறார். இத்திரைப்படம் இன்று திரையரங்குகளில் வெளியாகிவுள்ள சூழ்நிலையில், இயக்குனர் ராதா மோகன் இயக்கத்தில் எஸ்.ஜே.சூர்யா, பிரியா பவானி சங்கர் நடித்துள்ள “பொம்மை” படத்தின் டிரைலரை உலகம் முழுக்க 600 திரை அரங்குகளில் ‘விக்ரம்’ படத்துடன் வெளியாகிறது என படக்குழு அதிகாரப்பூர்வமாக அறிவித்தது. இதில் “பொம்மை” படத்தின் டிரைலரை நேற்று சிவகார்த்திகேயன் வெளியிட்டார் என்பது கவனிக்கத்தக்கது.
