லோகேஷ் கனகராஜ் இயக்கும் ‘விக்ரம்’ படத்தில் கிரிஷ் கங்காதரன் ஒளிப்பதிவாளராக பணியாற்ற இருக்கிறார்.
தமிழ் திரையுலகில் இயக்குனர் லோகேஷ் கனகராஜ் கடந்த 2017-ஆம் ஆண்டு வெளியான மாநகரம் படத்தின் மூலம் இயக்குனராக அறிமுகமானார். இந்த படம் ரசிகர்களிடையே நல்ல வரவேற்பை பெற்றது. இதை தொடர்ந்து இவர் இயக்கத்தில் வெளியான கைதி, மாஸ்டர் ஆகிய படங்கள் சூப்பர் ஹிட் அடித்தது. தற்போது இவர் உலகநாயகன் கமல்ஹாசனின் ‘விக்ரம்’ படத்தை இயக்கி வருகிறார். இந்த படத்தில் மலையாள நடிகர் பஹத் பாசில் முக்கிய கதாபாத்திரத்தில் நடிக்கிறார்.
Happy to have you onboard @girishganges brother 👍 Cast updates coming soon! pic.twitter.com/ZurXzh92Px
— Lokesh Kanagaraj (@Dir_Lokesh) July 2, 2021
மேலும் விஜய் சேதுபதி வில்லனாக நடிக்க இருப்பதாக கூறப்படுகிறது. இந்நிலையில் ‘விக்ரம்’ படத்தில் ஒளிப்பதிவாளராக பணியாற்ற கிரிஷ் கங்காதரன் ஒப்பந்தமாகியுள்ளதாக லோகேஷ் கனகராஜ் தனது ட்விட்டர் பக்கத்தில் அறிவித்துள்ளார். இதற்கு முன் கிரிஷ் கங்காதரன் விஜய் நடிப்பில் வெளியான சர்க்கார் படத்திற்கு ஒளிப்பதிவு செய்தார் என்பது குறிப்பிடத்தக்கது.