‘விக்ரம்’ படத்தில் மலையாள நடிகர் ஆண்டனி வர்கீஸ் இணைந்துள்ளதாக தகவல் வெளியாகியுள்ளது.
தமிழ் திரையுலகில் இயக்குனர் லோகேஷ் கனகராஜ் மாஸ்டர் படத்தின் வெற்றிக்குப் பிறகு நடிகர் கமல்ஹாசனின் விக்ரம் படத்தை இயக்கி வருகிறார் . ராஜ்கமல் பிலிம்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். இந்த படத்தில் பிரபல மலையாள நடிகர் பகத் பாசில் முக்கிய கதாபாத்திரத்தில் நடிக்கிறார். மேலும் இந்த படத்தில் விஜய் சேதுபதி வில்லன் கதாபாத்திரத்தில் நடிக்க இருப்பதாக கூறப்படுகிறது . இந்நிலையில் விக்ரம் படத்தில் பிரபல மலையாள நடிகர் ஆண்டனி வர்கீஸ் இணைந்துள்ளதாக தகவல் வெளியாகியுள்ளது.
இவர் ஏற்கனவே லோகேஷ் கனகராஜ் இயக்கத்தில் விஜய் நடிப்பில் வெளியான மாஸ்டர் படத்தில் நடிக்க ஒப்பந்தமானவர். ஆனால் கால்ஷீட் பிரச்சனை காரணமாக இவர் மாஸ்டர் படத்திலிருந்து விலகினார். தற்போது ஆண்டனி வர்கீஸை ‘விக்ரம்’ படத்தில் நடிக்க வைக்க லோகேஷ் கனகராஜ் திட்டமிட்டுள்ளதாக கூறப்படுகிறது. விரைவில் இதுகுறித்து அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது . மேலும் இந்த படத்தின் படப்பிடிப்பு கொரோனா பரவல் குறைந்த பின் தொடங்கப்படவுள்ளது.