காக்காமுட்டை, அறம், அப்பா ஆகிய திரைப்படங்களில் நடித்து பிரபலமானவர் நடிகர் விக்னேஷ். இவர் இப்போது இயக்குனர் செரா.கலையரசன் இயக்கத்தில் கதாநாயகன் ஆக நடித்திருக்கும் திரைப்படம் “குழலி”. இப்படத்தில் இவருக்கு ஜோடியாக ஆரா நடித்து இருக்கிறார். இந்த படத்திற்கு டி.எம். உதயகுமார் இசையமைக்க, கார்த்திக் நேத்தா, தனிக்கொடி, ராஜாகுருசாமி மற்றும் ஆக்னஸ் தமிழ் செல்வன் போன்றோர் பாடல்கள் எழுதி இருக்கின்றனர். கே.பி.வேலு, எஸ்.ஜெய ராமன் மற்றும் எம்.எஸ்.ராமசந்திரன் இணைந்து தயாரித்திருக்கும் இந்த படத்திற்கு ஷமீர் இன் ஒளிப்பதிவு செய்துள்ளார்.
முற்றிலும் கிராமத்து எதார்த்த முகங்களோடு உருவாகியுள்ள குழலி படம் உலக சர்வதேச திரைப்பட விழாக்களில் பங்கேற்று சிறந்த திரைப்படத்திற்கான விருது, பின்னணி இசைக்கான விருது, சிறந்த நடிகைக்கான விருது என 16 விருதுகளை பெற்றுள்ளது. இந்த நிலையில் இப்படம் வருகிற செப்டம்பர் 23ஆம் தேதி திரையரங்குகளில் வெளியாக இருக்கிறது. இதை படக்குழு அதிகாரப்பூர்வமாக அறிவித்துள்ளது. இந்த திரைப்திரைப்படத்தினை மொழி திரைக்களம் வெளியிடவுள்ளது குறிப்பிடத்தக்கது.