உலகம் முழுவதும் கோடிக்கணக்கான மக்கள் வாட்ஸ் அப் செயலியை பயன் படுத்துகின்றனர். அதனால் அவ்வப்போது வாடிக்கையாளர்களை கவரும் வகையில் வாட்ஸ்ஆப் நிறுவனம் புதிய அப்டேட்களை வெளியிட்டு வருகிறது. அதன்படி வாட்ஸ் அப் செயலி மூலமாக மற்றொரு நபருக்கு தவறாக ஏதேனும் ஒரு தகவலை பகிர்ந்து விட்டால் அந்த தகவலை எடிட் செய்து கொள்ளும் வசதி தற்போது அறிமுகம் செய்யப்பட உள்ளது. பயனருக்கு தவறாக அனுப்பப்பட்ட செய்தியை கிளிக் செய்து எந்த தகவலை வழங்க வேண்டுமோ அதை எடிட் செய்து மீண்டும் அந்த நபர்களுக்கு அனுப்பலாம்.
இருந்தாலும் இந்த எடிட் செய்து கொள்ளும் புதிய வசதி சிறிது காலத்திற்கு மட்டுமே வாடிக்கையாளர்களுக்கு வழங்கப்படும் என அறிவிக்கப்பட்டுள்ளது. இதையடுத்து வாட்ஸ்அப் பயனர்களுக்கு தவறாக அனுப்பப்பட்ட ஒரு செய்தியை Delete for everyone செய்வதற்கு பதிலாக delete for me செய்து விட்டாலும் அதனை எடிட் செய்து கொள்ளும் வசதி அறிமுகம் செய்யப்படவுள்ளது.
அதுமட்டுமல்லாமல் வாட்ஸ் அப் செயலியை ஒருவரின் அனுமதியின்றி வேறு ஒரு மொபைல் போனில் பதிவிறக்கம் செய்ய முடியாமல் பாதுகாக்கவும் சில நடவடிக்கைகள் எடுக்கப்பட்டு வருகின்றன. மிக விரைவில் இந்த புதிய இரண்டு அப்டேட்டும் வாட்ஸ்அப் செயலிக்கு வர உள்ளது. இந்த அறிவிப்பு வாட்ஸ்அப் பயனர்கள் மத்தியில் பெரும் மகிழ்ச்சியை ஏற்படுத்தியுள்ளது.