வலிமை படத்தின் ஃபர்ஸ்ட் லுக் போஸ்டர் லீக்கானதாக தகவல் பரவி வருகிறது.
தமிழ் திரையுலகில் நட்சத்திர நாயகனாக வலம் வரும் அஜித்துக்கு ஏராளமான ரசிகர்கள் உள்ளனர் . இவர் நடிப்பில் கடைசியாக வெளியான நேர்கொண்ட பார்வை மற்றும் விஸ்வாசம் ஆகிய திரைப்படங்கள் சூப்பர் ஹிட் அடித்தது. இதைத் தொடர்ந்து இவர் இயக்குனர் ஹெச்.வினோத் இயக்கத்தில் வலிமை படத்தில் நடித்து வருகிறார். இந்த படத்தில் நடிகை ஹூமா குரேஷி கதாநாயகியாக நடித்து வருகிறார். மேலும் இந்தப் படத்தை போனிகபூர் தயாரித்துள்ளார். விரைவில் இந்த படத்தின் படப்பிடிப்பு நிறைவடைய உள்ளது.
இந்நிலையில் வலிமை படத்தின் போஸ்டர் சென்னையில் உள்ள ஒரு பிரபல திரையரங்கில் வைக்கப்பட்டுள்ளது. இதனால் வலிமை படத்தின் பர்ஸ்ட் லுக் போஸ்டர் லீக் ஆகிவிட்டது என தகவல் பரவி வருகிறது. ஆனால் இது பல மாதங்களுக்கு முன்னரே அஜித் ரசிகர்கள் உருவாக்கிய பேன் மேட் போஸ்டர் ஆகும். மேலும் வலிமை படத்தின் பர்ஸ்ட் லுக் போஸ்டர் வருகிற மே 1 ஆம் தேதி வெளியாகும் என படக்குழு தெரிவித்திருந்தது குறிப்பிடத்தக்கது.