மாஸ்டர் படத்தின் வெற்றியை தொடர்ந்து தற்போது லோகேஷ் கனகராஜ் கமல்ஹாசன் நடிப்பில் விக்ரம் என்ற திரைப்படத்தை இயக்கி முடித்திருக்கிறார். கடந்த ஆண்டு துவங்கிய இந்த படத்தின் படப்பிடிப்பு சென்னை, பாண்டிச்சேரி போன்ற பகுதிகளில் நடைபெற்று உள்ளது. இந்த நிலையில் ஜூன் மாதம் வெளியாக இருக்கின்ற விக்ரம் படத்தின் இசை வெளியீட்டு பணிகளில் மும்முரமாக இறங்கி இருக்கின்றனர் படக்குழுவினர்.
மாநகரம் படத்தின் மூலமாக தமிழ் சினிமாவில் இவர் இளம் இயக்குனராக அறிமுகமானார். இரண்டாவதாக கார்த்திக் நடிப்பில் வெளியான கைதி படத்தை இயக்கினார். லோகேஷின் தனித்துவமான இயக்கத்தில் வெளியான இந்தப் படம் மெகா ஹிட் அடித்தது. இந்த நிலையில் தற்போது விக்ரம் படத்தை இயக்கி முடித்திருக்கிறார். கமல் படங்களை பார்த்து நான் சினிமாவிற்கு வந்தேன் என வெளிப்படையாக கூறிய தீவிர ரசிகரான லோகேஷின் இயக்கத்தில் கமல் நடித்து இருப்பது ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியிருக்கிறது.
ஜூன் மாதம் வெளியாக இருக்கின்ற இந்த படத்தின் பிரமோஷன் பணிகளில் தீவிரமாக இறங்கி இருக்கிறது படக்குழு. முதல் கட்டமாக ரயில்களில் விக்ரம் போஸ்டர் ஒட்டப்பட்டிருக்கிறது. இதுபற்றி வீடியோக்கள் சமூக வலைதளங்களில் வைரலாக பரவி வருகின்றன. இதற்கு முன்பாக ரஜினியின் கபாலி படத்திற்காக விமானத்தில் புரமோஷன் பணிகள் செய்யப்பட்டது குறிப்பிடத்தக்கதாகும்.
இந்த நிலையில் கமல் நடிப்பில் உருவாகியுள்ள விக்ரம் படத்தில் மாஸ்டரில் லோகேஷுடன் பணியாற்றிய விக்ரம் சேதுபதி, நரேன், அர்ஜுன் தாஸ் போன்றோரும் இந்த படத்தில் நடிக்கின்றனர். மேலும் இவர்களுடன் முக்கிய வேடத்தில் பகத் பாஸில் நடித்திருக்கிறார். ஜூன் மூன்றாம் தேதி வெளியாக உள்ள விக்ரம் திரைப்படத்தின் ரிலீஸ் உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியது குறிப்பிடத்தக்கது.