ரஜினி நடிக்கும் ஜெயிலர் திரைப்படத்தின் அப்டேட் வெளியாகியுள்ளது.
தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.
இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இத்திரைப்படத்தில் ரஜினிகாந்த் உடன் ஐஸ்வர்யா ராய், ரம்யா கிருஷ்ணன், பிரியங்கா மோகன், சிவராஜ்குமார் ஆகியோர் நடிக்க உள்ளதாக செய்தி பரவி வருகின்றது. இந்த நிலையில் படம் குறித்த லேட்டஸ்ட் அப்டேட் வெளியாகி உள்ளது. ஜெயிலர் திரைப்படத்தில் பாலிவுட் பிரபலம் ஒருவர் இணைய இருப்பதாக தகவல் வெளியாகி இருக்கின்றது. பிரபல காஸ்டிங் இயக்குனரும் தயாரிப்பாளருமான பியூஸ் ஜெயின்தான் ஜெயிலர் படத்தில் இணையவுள்ளதாக செய்தி வெளியாகியிருக்கின்றது.