நடிகர் ரஜினியுடன் நடிகை நயன்தாரா விமானத்தில் ஒன்றாக பயணம் செய்த போது எடுக்கப்பட்ட புகைப்படம் வெளியாகியுள்ளது.
தமிழ் திரையுலகில் சூப்பர் ஸ்டாராக வலம் வரும் ரஜினிக்கு ஏராளமான ரசிகர்கள் உள்ளனர். இவர் நடிப்பில் வெளியாகும் படங்கள் தொடர்ந்து மிகப்பெரிய வசூல் சாதனை படைத்து வருகிறது . தற்போது நடிகர் ரஜினி இயக்குனர் சிறுத்தை சிவா இயக்கத்தில் அண்ணாத்த படத்தில் நடித்து வருகிறார். மேலும் இந்த படத்தில் மீனா, குஷ்பு, கீர்த்தி சுரேஷ், நயன்தாரா, சூரி, சதீஷ் உள்ளிட்ட பலர் முக்கிய கதாபாத்திரத்தில் நடிக்கின்றனர்.
கடந்த வருடம் நடிகர் ரஜினி நடிப்பில் வெளியான தர்பார் படத்தில் நடிகை நயன்தாரா கதாநாயகியாக நடித்திருந்தார் என்பது குறிப்பிடத்தக்கது. இந்நிலையில் தர்பார் படத்தின் படப்பிடிப்புக்காக ரஜினி, நயன்தாரா இருவரும் ஒன்றாக விமானத்தில் பயணம் செய்த போது எடுக்கப்பட்ட புகைப்படம் ஒன்று வெளியாகியுள்ளது.