தேமுதிக தலைவர் கேப்டன் விஜயகாந்த் உடல்நிலை குறித்து பரவும் வதந்திகளை யாரும் நம்ப வேண்டாம் என்று தேமுதிக தலைமை தெரிவித்துள்ளது. இதுகுறித்து தேமுதிக தலைமை வெளியிட்டுள்ள அறிக்கையில், தேமுதிக தலைவர் கேப்டன் விஜயகாந்த் உடல்நிலை குறித்து தனியார் தொலைக்காட்சிகளும் பத்திரிக்கைகளும் தொடர்ந்து தவறான செய்திகளை வெளியிட்டு வருகிறது. ஏற்கனவே கேப்டன் உடல்நிலை குறித்து வதந்தி பரப்பியவர்கள் மீது நடவடிக்கை எடுக்க வேண்டும் என்று தேமுதிக சார்பில் புகார் மனு அளிக்கப்பட்டுள்ளது. அதனைத் தொடர்ந்து தவறான செய்திகளை வெளியிட்டு வரும் தனியார் தொலைக்காட்சிகளும் பத்திரிக்கைகளும் தேமுதிக தலைமை கழக வன்மையாக கண்டிக்கிறது.
இனிமேல் இதுபோன்ற பொய்யான செய்திகளை வெளியிடுவதை தவிர்க்க வேண்டும். மேலும் கேப்டன் உடல்நிலை குறித்து வெளியாகும் வதந்திகளை கழக நிர்வாகிகளும், பொதுமக்களும் யாரும் நம்ப வேண்டாம். அடுத்தவரின் உடல்நிலை குறித்து தவறான செய்தியை பரப்பி அதன் மூலம் ஆதாயம் தேடும் ஈனத்தனமான செயல்களை இன்றுடன் நிறுத்திக் கொள்ள வேண்டும். உடல் நிலையில் பாதிப்பு ஏற்படுவது சகஜம்தான், ஆனால் தொடர்ந்து பரப்பி வருவது வருத்தமாக இருக்கிறது. இது போன்ற கீழ்த்தரமான விஷமத்தனமான அனைவரையும் குழப்பம் செய்தால் யாரும் ஈடுபட வேண்டாம். மேலும் கேப்டன் உடல்நிலை குறித்து தலைமை கழகம் வெளியிடும் அறிக்கையே உண்மையானது இறுதியானது என்று அதில் தெரிவிக்கப்பட்டுள்ளது.