பள்ளி மற்றும் கல்லூரிகள் மே மாதம் திறக்கப்படும் என அறிவிப்பு வெளியாகியுள்ளது.
கர்நாடக மாநிலத்தில் கொரோனா பரவல் காரணமாக கடந்த ஆண்டு பியூசி தேர்வு நடைபெற வில்லை. இந்த வருடம் தொற்று குறைந்துள்ளதால் பி.யூ.சி 2-ம் ஆண்டு பொதுத்தேர்வு இன்று முதல் தொடங்கப்பட்டுள்ளது. இந்நிலையில் கடந்த வருடம் கொரோனா காரணமாக பள்ளி மற்றும் கல்லூரிகள் திறக்கப்படாததால் 2022-23 கல்வியாண்டில் பள்ளி மற்றும் கல்லூரிகளில் முன்கூட்டியே திறப்பதற்கு பள்ளிக்கல்வித்துறை முடிவெடுத்துள்ளது. அதன்படி மே 16-ம் தேதி பள்ளி மற்றும் பி.யூ கல்லூரிகளை திறப்பதற்கு பள்ளிக்கல்வித்துறை முடிவு எடுத்துள்ளது. அடுத்த கல்வி ஆண்டில் முதல் பருவம் அக்டோபர் 2-ம் தேதி வரை நடைபெறும்.
அதன்பிறகு 2-ம் பருவம் அக்டோபர் 17-ம் தேதி தொடங்கி ஏப்ரல் 10-ம் தேதி வரை நடைபெறும். இதனையடுத்து கோடை விடுமுறை ஏப்ரல் 11-ஆம் தேதி தொடங்கி மே 28-ம் தேதி வரை இருக்கும். இந்த கல்வி ஆண்டில் மொத்தம் 60 நாட்கள் அரசு விடுமுறை இருக்கிறது. இதனால் 256 நாட்கள் வகுப்புகள் நடைபெறும். மேலும் அரசு பள்ளி மற்றும் கல்லூரிகளில் மாணவர் சேர்க்கை மே 16-ஆம் தேதி முதல் ஜூன் 10-ஆம் தேதி வரை நடைபெறும். ஆனால் கொரோனா பரவல் காரணமாக பள்ளி மற்றும் கல்லூரிகள் மூடப்படும் நிலையில் இருந்தால் டிஜிட்டல் வழியாக பாடங்கள் நடத்தப்படும். எந்த காரணத்திற்காகவும் குழந்தைகளின் கற்றல் பாதியிலேயே நிறுத்தப்படாது என பள்ளிக்கல்வித்துறை அறிவித்துள்ளது.