கௌதம் மேனன் அடுத்ததாக இயக்கும் படத்தில் சிவகார்த்திகேயன் கதாநாயகனாக நடிக்க இருப்பதாக தகவல் வெளியாகியுள்ளது.
தமிழ் திரையுலகில் முன்னணி இயக்குனராக வலம் வருபவர் கௌதம் மேனன். தற்போது இவர் சிம்பு நடிப்பில் உருவாகி வரும் வெந்து தணிந்தது காடு படத்தை இயக்கி வருகிறார். மேலும் இந்த படத்திற்கு ஏ.ஆர்.ரஹ்மான் இசையமைக்கிறார். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இந்நிலையில் கௌதம் மேனன் அடுத்ததாக இயக்கும் படத்தில் சிவகார்த்திகேயன் கதாநாயகனாக நடிக்க இருப்பதாக தகவல் வெளியாகியுள்ளது.
மேலும் இந்த படத்தை ஐசரி கணேஷின் வேல்ஸ் பிலிம்ஸ் இன்டர்நேஷனல் நிறுவனம் தயாரிக்க இருப்பதாக கூறப்படுகிறது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது. தற்போது நடிகர் சிவகார்த்திகேயன் டாக்டர், அயலான், டான் ஆகிய படங்களை கைவசம் வைத்துள்ளார். இதில் டாக்டர் திரைப்படம் விரைவில் வெளியாக உள்ளது குறிப்பிடத்தக்கது.