Apcsilmicநிறுவனமானது உலகிலேயே மிகச் சிறிய ஒரு கணினியை கொண்டு வந்துள்ளது. பார்ப்பதற்கு வைஃபை ரவுட்டர் போன்று சிறியளவில் உள்ள இந்த கணினியில் Snapdragon 7c 8 core 2.4GHz பிராசஸர், விண்டோஸ் 11 ஓ.எஸ், 4ஜிபி+64ஜிபி, 6ஜிபி+128 ஜிபி, 8ஜிபி+256ஜிபி வேரியண்டில் மெமெரி, 2 ஹெச்.டி.எம்.ஐ போர்ட்டுகள், 2 யூ.எஸ்.பி 2.0 போர்ட்டுகள், 1 யூ.எஸ்.பி 3.0 போர்ட், 5-வது ஜெனரேஷன் வைஃபை 4ஜி நெட்வொர்க் போன்றவை வழங்கப்பட்டுள்ளது.
ஹோம் தியேட்டர், கேமிங், அலுவலக வேலைகள், டிஜிட்டல் ஆர்ட் ஆகிய கிராஃபிக்ஸ் வேலைகளை இதில் எளிதாகவும், வேகமாகவும் செய்யலாம் என்று தெரிவிக்கப்பட்டுள்ளது. இந்த கணினியில் 2கே ரெஷலியூஷன் வழங்கப்பட்டு இருக்கிறது. ஹெச்.டி.எம்.ஐ வாயிலாக 2 மானிட்டர்கள் இதில் இணைத்துக்கொள்ளலாம். அதிக மின்சாரத்தையும் இந்த கணினி பயன்படுத்தாது என்பதால் மின் தேவையும் குறையும் என்று கூறப்படுகிறது. மார்ச் 31 ஆம் தேதி அறிமுகம் செய்யப்பட்ட இந்த மினிகணினியின் விலை தொடர்பான தகவல் இன்னும் அறிவிக்கப்படவில்லை.