நடிகர் ரஜினியின் 2வது மகள் சவுந்தர்யா ரஜினிகாந்த் ஆவார். இவர் கோச்சடையான், தனுஷின் வேலையில்லா பட்டதாரி 2 ஆகிய படங்களை இயக்கி பிரபலமானார். சவுந்தர்யா ரஜினிகாந்த் கருத்துவேறுபாடு காரணமாக தன் முதல் கணவருடன் விவாகரத்து பெற்றதை அடுத்து சென்ற 2019-ம் ஆண்டு தொழில் அதிபர் விசாகனை திருமணம் செய்து கொண்டார். அதன்பின் சில தினங்களுக்கு முன் சவுந்தர்யா-விசாகன் தம்பதிக்கு ஆண் குழந்தை பிறந்தது. அந்த குழந்தைக்கு வீர் ரஜினிகாந்த் வணங்காமுடி எனப் பெயரிட்டுள்ளதாக அறிவித்தார்.
இந்தநிலையில் சௌந்தர்யா ரஜினிகாந்த் தம் மகன் மற்றும் தன்னுடைய அப்பா ரஜினிகாந்த் போன்றோருடன் இருக்கும் புகைப்படத்தைப் பகிர்ந்துள்ளார். மேலும் நேற்று என் பிறந்தநாளில் வாழ்த்திய அனைவருக்கும் நன்றி. கடவுள் எனக்கு இந்த வருடம் என்னுடைய வீரா பாப்பாவை பரிசாக அளித்து வாழ்த்தியுள்ளார். இந்த கடவுளின் குழந்தை (ரஜினிகாந்த்) எப்போதும் என் பின்னால் இருக்கிறார் என்று குறிப்பிட்டுள்ளார். இந்த புகைப்படம் இப்போது இணையத்தில் வைரலாகி வருகிறது.