நடிகர் ரஜினிகாந்த் அண்ணாத்த படத்தை தனது பேரனுடன் பார்த்ததாக டுவிட்டரில் தெரிவித்துள்ளார்.
தமிழ் திரையுலகில் சூப்பர் ஸ்டாராக வலம் வருபவர் ரஜினிகாந்த். தற்போது இவர் நடிப்பில் சிவா இயக்கத்தில் அண்ணாத்த திரைப்படம் உருவாகியுள்ளது. கிராமத்து கதையம்சம் கொண்ட இந்த படத்தில் நயன்தாரா, கீர்த்தி சுரேஷ், குஷ்பூ, மீனா, சூரி, சதீஷ், ஜெகபதி பாபு, பிரகாஷ்ராஜ் உள்ளிட்ட பலர் நடித்துள்ளனர். சன் பிக்சர்ஸ் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார். இந்த படம் தீபாவளிக்கு தியேட்டர்களில் ரிலீஸாக உள்ளது.
பேரனோடு அண்ணாத்த திரைப்படத்தை நேற்று பார்த்தேன். Part-2 https://t.co/4LO8F8uUCQ
— Rajinikanth (@rajinikanth) October 28, 2021
மேலும் நேற்று வெளியான அண்ணாத்த படத்தின் டிரைலர் 5.7 மில்லியன் பார்வையாளர்களை கடந்து யூடியூபில் முதலிடத்தில் உள்ளது. இந்நிலையில் நடிகர் ரஜினி அண்ணாத்த படத்தை தனது மகள், மருமகன், பேரன்களுடன் பார்த்ததாக தனது டுவிட்டர் பக்கத்தில் தெரிவித்துள்ளார். மேலும் அண்ணாத்த படத்தை பார்த்தவுடன் தனது பேரன் கட்டிப்பிடித்து முத்தம் கொடுத்ததாக ரஜினி நெகழ்ச்சியுடன் தெரிவித்துள்ளார்.