மக்கள் பேங்க் லாக்கர்களை பயன்படுத்தி தங்களுடைய சொத்து ஆவணங்கள், நகைகள், கடன் ஆவணங்கள், சேமிப்பு பத்திரங்கள் போன்றவற்றை பாதுகாத்து வருகின்றனர். ஒரு வங்கி தன்னுடைய வாடிக்கையாளர்களுக்கு வழங்கி வரும் துணை சேவைகளில் இதுவும் ஒன்று. அதேபோல் எல்லா வங்கிகளிலும் இந்த லாக்கர் சேவை பாதுகாப்பு வசதி கிடைப்பதில்லை. அதாவது உயர் பாதுகாப்பு அம்சங்கள் மற்றும் சிறப்பாக வடிவமைக்கப்பட்ட வலுவான அறைகள் கொண்ட கிளைகளில் லாக்கர்கள் நிறுவப்பட்டு உள்ளது. அந்த வகையில் icici, PNB, SBI, HDFC போன்ற வங்கிகளின் லாக்கர் கட்டணங்கள் பற்றிய விவரங்களை தற்போது காணலாம்.
ICICI வங்கி லாக்கர் கட்டணங்கள்: இந்த வங்கியில் சிறிய அளவிலான லாக்கருக்கு கட்டணமாக ஒரு வருடத்திற்கு ரூ.1,200 முதல் ரூ.5,000 வரையும், மீடியம் சைஸ் லாக்கர்களுக்கு ரூ.2500 முதல் 9 ஆயிரம் வரையும் கட்டணமாக வசூலிக்கப்படுகிறது. அதேபோல் பெரிய சைஸ் லாக்கருக்கு ரூ.4,000 முதல் ரூ.15 ஆயிரம் கட்டணமும், எக்ஸ்ட்ரா லார்ஜ் சைஸ் லாக்கருக்கு ரூ.10,000 முதல் ரூ.22,000 வரையும் கட்டணம் வசூலிக்கப்படுகிறது. இந்த கட்டண வாடகையை வருடம் தோறும் முன்கூட்டியே வசூலிக்கப்படுகிறது. இதனையடுத்து லாக்கர் அக்ரீமெண்ட் மூலமாக லாக்கர்களுடன் தொடர்புடைய அனைத்து விதிமுறைகள் மற்றும் நிபந்தனைகள் தெரிவிக்கப்படும் என ஐ.சி.ஐ.சி.ஐ பேங்கின் வெப்சைட்டில் குறிப்பிடப்பட்டுள்ளது.
பஞ்சாப் நேஷனல் வங்கியின் லாக்கர் கட்டணம்: கிராமம் மற்றும் நகர்புறங்களில் இருக்கும் வங்கி வாடிக்கையாளர்கள் வருடாந்திர லாக்கர் கட்டணமாக ரூ.1,250-க்கு அதிகமாகவும், நகர்புறம் மற்றும் மெட்ரோ பகுதிகளில் இந்த வங்கியில் லாக்கர் பயன்படுத்தும் வாடிக்கையாளர்கள் வருடாந்திர லாக்கர் கட்டணமாக ரூ.2000 முதல் ரூ.10 ஆயிரம் வரையும் செலுத்துகின்றார்கள்.
எஸ்.பி.ஐ வங்கியின் லாக்கர் கட்டணம்: எஸ்.பி.ஐ வங்கி, மெட்ரோ மற்றும் மெட்ரோ பொலிட்டியன் நகரங்களில் சிறிய, நடுத்தர, லார்ஜ், மற்றும் எக்ஸ்ட்ராலார்ஜ் அளவிலான லாக்கர்களுக்கு ரூ.2,000,ரூ.4,000,ரூ.8000 மற்றும் ரூ.12 ஆயிரம் என கட்டணம் வசூலித்து வருகிறது. அதேபோல் செமி அர்பன் மற்றும் ரூரல் லொகேஷன்களில் சிறிய, நடுத்தர, லார்ஜ் மற்றும் எக்ஸ்ட்ராலார்ஜ் போன்ற லாக்கர்கள் முறையே ரூ.1500, ரூ.3,000,ரூ. 6,000 மற்றும் ரூ.9,000 என கட்டணம் வசூலித்து வருகிறது.
எச்.டி.எஃப்.சி வங்கியில் லாக்கர் கட்டணம்: இதில் ஒரு வருடத்திற்கு ரூ.550 முதல் ரூ.20 ஆயிரம் வரை லாக்கர் கட்டணமாக வசூலிக்கபடுகிறது. அதாவது கிராமப்புறங்களில் எக்ஸ்ட்ரா ஸ்மால் லாக்கருக்கு 550 ரூபாயும் மெட்ரோ நகரங்களில் எக்ஸ்ட்ரா லார்ஜ் லாக்கருக்கு 20 ஆயிரம் ரூபாயும் வசூலிக்கப்படுகிறது. மேலும் லாக்கர்களின் வாடகைகள் லாக்கரின் அளவு மற்றும் கிளை இருப்பிடத்தின் அடிப்படையில் மாறுபடுவதாக வங்கியின் வெப்சைட்டில் குறிப்பிடப்பட்டுள்ளது.
நாமினேஷன் வசதி: சேஃப் டெபாசிட் லாக்கர்களின் வங்கிகளில் நாமினேஷன் வசதி கொடுக்கப்படுகிறது. அதாவது லாக்கரை ஒன்றிற்கும் மேற்பட்டோர் சேர்ந்து பயன்படுத்தும் போது ஒருவர் உயிரிழந்தால் லாக்கரில் வைக்கப்பட்ட பொருட்கள் லாக்கரை பயன்படுத்தும் மற்றொரு நபர் அவரது நாமினி மற்றும் இறப்பவரின் நாமினிக்கு சேர்கிறது.
நாமினியை சேர்த்துக் கொள்வது எப்படி?: லாக்கர் எடுக்கும் ஒருவர் சில விண்ணப்ப படிவங்களை பூர்த்தி செய்து லாக்கர் கிளையில் சமர்ப்பிப்பதன் மூலமாக நாமினி சார்ந்த விஷயங்களை செய்து கொள்ளலாம். மேலும் ஒரு வங்கியின் வெப்சைட்டில் இதற்கான படிவங்கள் கிடைக்கிறது.
நாமினியை சேர்க்க :Form SL1(sole hirer)/SL1(joint hirer)
நாமினியை ரத்து செய்ய:Form SL2
நாமினியை மாற்ற: Form SL3 (sole hirer)