உலகின் முன்னணி பணக்காரரான எலான்மஸ்க் தன் நிறுவனத்தில் பணியாற்றும் ஷிவோன் சிலிஸ் என்ற பெண் அதிகாரியுடன் உறவிலிருந்து இரட்டை குழந்தைகளுக்கு தந்தையாகி இருக்கிறார் என்ற தகவல் தற்போது வெளியாகியுள்ளது. சென்ற ஏப்ரல் மாதத்தில் எலான்மஸ்க் மற்றும் சிலிஸ் ஆகிய இருவரும் தங்களின் இரட்டை குழந்தைகளுக்கு பெயர் வைக்கும்போது தான் அதன் ஆவணங்கள் வாயிலாக இந்த செய்தி உறுதியாகி இருக்கிறது. இதனிடையில் அவருடைய முதல் மனைவியான கனடாவை சேர்ந்த எழுத்தாளர் ஜஸ்டின் வில்சன், எலாஸ் மஸ்க்கின் வாயிலாக 5 குழந்தைகளை பெற்றுள்ளார். இதையடுத்து கனடாவை சேர்ந்த பாடகி கிரிமிஸ், அவர் மூலம் இரண்டு குழந்தைகளை பெற்றுள்ளார்.
இந்நிலையில் இந்த தம்பதியினருக்கு கடந்த நவம்பர்மாதம் இரட்டை குழந்தைகள் பிறந்துள்ளது. இந்த இரட்டை குழந்தைகளை சேர்த்து எலான் மஸ்க்கிற்கு மொத்தம் 9 குழந்தைகள் இருக்கின்றன. இதில் கனடாவின் ஒன்டாரியோவில் பிறந்த 36 வயதான ஜிலிஸ், எலான் மஸ்க்கை முதல் முதலில் 2015ல் சந்தித்தார். எலான்மஸ்க்கின் நிறுவனத்தில் ஷிவோன் சிலிஸ் கடந்த 2017ஆம் ஆண்டு மே மாதம் வேலைக்குச் சேர்ந்துள்ளார். டெஸ்லாவின் செயற்கை நுண்ணறிவு பிரிவின் திட்ட இயக்குனராக பணிபுரிந்த ஷிவோன் சிலிஸ் 2019 ஆம் ஆண்டில் நியூராலிங்கில் சேர்ந்துள்ளார். அத்துடன் டுவிட்டர் நிறுவனத்துடன் எலான்மஸ்க்கின் ஒப்பந்தம் நிறைவடைந்த பிறகு, டுவிட்டர் நிறுவனத்தை ஷிவோன் முன்னின்று நடத்துவார் எனக் கூறப்படுகிறது.
மக்கள் தொகை கட்டுப்பாடு என்ற கருத்து அதிகதாக்கத்தை செலுத்தி இருப்பதால் உலகில் வயதானோர் எண்ணிக்கையானது அதிகரித்து இளம்வயதினர் எண்ணிக்கை குறைந்து வருவதை குறிப்பிட்டு, தொடர்ந்து கருத்து தெரிவித்து வரும் எலான்மஸ்க், மீண்டும் மனிதகுலம் அதிக குழந்தைகளை பெற்றுக்கொண்டு, பெரிய குடும்பங்களாக வாழத் தொடங்க வேண்டும் என வலியுறுத்தி வருகிறார். இந்த நிலையில் அண்மையில் 51 வயதான எலான்மஸ்க் மீது பாலியல் அத்துமீறல் செய்ததாக ஒரு விமானப் பணிப் பெண் குற்றம்சாட்டியுள்ளார். பாதிக்கப்பட்ட அப்பெண் ஊழியர் கூறி இருக்கும் குற்ற்ச்சாட்டில், எலான் மஸ்க் அந்த பெண்ணின் அனுமதி இன்றி அவரது காலை தேய்த்ததாகவும், ஒரு சிற்றின்ப மசாஜ் செய்வதற்கு ஈடாக குதிரையை வாங்கித்தருவதாகவும் குற்றம்சாட்டினார். அவருக்கு அப்பெண் மசாஜ் செய்யும்போது, மஸ்க் தன் அந்தரங்கத்தை வெளிப்படுத்தியதாகவும், அந்த பெண்ணுக்கு அவருடைய ஸ்பேஸ் எக்ஸ் நிறுவனம் 21/2 லட்சம் அமெரிக்க டாலர்கள் தொகை கொடுத்தது எனவும் சமீபத்திய அறிக்கை ஒன்றில் தெரிவிக்கப்பட்டு உள்ளது. இருந்தாலும் எலான் மஸ்க் இந்த குற்றச்சாட்டுகளை மறுத்துள்ளார்.