நடிகர் புனித் ராஜ்குமார் கடைசியாக நடித்த ‘ஜேம்ஸ்’ படத்தின் போஸ்டர் நேற்று குடியரசு தின விழாவையொட்டி வெளியிடப்பட்டது.
புனித் ராஜ்குமார் கன்னட திரை உலகில் பிரபல நடிகராக இருந்தவர். இவர் மறைந்த பிரபல நடிகரான ராஜ்குமாரின் இளைய மகனாவார். கடந்த ஆண்டு அக் 29ம் தேதி மாரடைப்பினால் உயிரிழந்தார். இது புனித் ராஜ்குமார் குடும்பத்தினர் மட்டுமில்லாமல் திரையுலகினர்கள் , ரசிகர்கள் மற்றும் ஒட்டுமொத்த மக்களையும் பெரும் சோகத்தில் ஆழ்த்தியது. முன்பாக புனித் ராஜ்குமார ‘ஜேம்ஸ்’ என்னும் கன்னட படத்தில் நடித்து வந்த நிலையில்தான் மரணம் அடைந்தார்
இந்நிலையில் புனித் ராஜ்குமார் கடைசியாக நடித்த ‘ஜேம்ஸ்’ படத்தின் போஸ்டர் நேற்று குடியரசு தின விழாவையொட்டி வெளியிடப்பட்டது. ‘ஜேம்ஸ்’ படத்தில் புனித்ராஜ் ராணுவ உடையில் துப்பாக்கியை கையில் வைத்திருப்பது போன்ற படம் உள்ளது. இவரது பின்புறம் ராணுவ வாகனங்களும், வானத்தில் பறக்கும் ஹெலிகாப்டர்களும் இடம்பெற்றுள்ளன.
இதன் பிறகு பெங்களூரில் புனித்ராஜ்குமாரின் விளம்பர பேனர்களுக்கு பிரம்மாண்ட மாலை போட்டு, பால் ஊற்றி வான வேடிக்கைகள் வெடித்து அவருடைய ரசிகர்கள் கொண்டாடினர் . இதன்பிறகு குடும்பத்தினர் மற்றும் ரசிகர்கள் புனித் ராஜ்குமாரின் நினைவிடத்தில் நேற்று சிறப்பு பூஜை செய்து வழிபாட்டனர்.