அரசு ஊழியர்களுக்கான வீட்டு வாடகைப்படி அதிகரித்து அறிவிப்பு ஒன்றை மாநில அரசு வெளியிட்டுள்ளது.
ஆந்திர மாநிலத்தில்முதலமைச்சர் ஜெகன்மோகன் ரெட்டி தலைமையில்ஒய் .எஸ். ஆர் காங்கிரஸ் கட்சியின் ஆட்சி நடைபெறுகிறது. இதில் 11 வது ஊழியர் திருத்த குழு அளித்த பரிந்துரையின் படி இந்த மாநிலத்தில் பணிபுரியும் அரசு ஊழியர்களுக்கு சில வாரங்களுக்கு முன்பு ஊதிய உயர்வு வழங்கப்பட்டது. இதற்கு அம்மாநில அரசு ஊழியர்கள் எதிர்ப்பு தெரிவித்து வந்த நிலையில், 11 வது ஊதிய திருத்த குழுவின் பரிந்துரையின் அளித்த ஊதிய உயர்வை ரத்து செய்ய வேண்டும் என்றும், முதலமைச்சர் ஜெகன்மோகன் ரெட்டி கோரிக்கை விடுத்தனர்.
இதைப்பற்றி மாநில அரசு கண்டு கொள்ளாததால் அதிருப்தி அடைந்த ஊழியர்கள் விஜயவாடா நகரில் கடந்த 3ஆம் தேதி மாபெரும் பேரணி நடத்தினர். இதில் ஆயிரக்கணக்கான ஊழியர்கள் பங்கேற்று கொண்டனர். மேலும் கோரிக்கைகளை நிறைவேற்றாவிட்டால் வருகிற பிப்ரவரி 7ம்(இன்று) தேதி அன்று காலவரையற்ற போராட்டத்தில் ஈடுபட போவதாகவும் அவர்கள் தெரிவித்தனர்.
இந்நிலையில் கடந்த 5 தேதி அமைச்சர் தலைமையில் அடங்கிய குழுவில் ஊதிய உயர்வு தொடர்பாக அரசு ஊழியர்கள் சங்கத்தினர் பேச்சுவார்த்தையில் ஈடுபட்டுள்ளது. மேலும் இந்த பேச்சுவார்த்தையில் சுமார் 7 மணி நேரம் நடைபெற்றது. அதன் பிறகு அரசு ஆலோசகர் சஜ்ஜலா ராமகிருஷ்ண ரெட்டி செய்தியாளர்களிடம் பேசியதாவது; நடைபெற்ற பேச்சுவார்த்தையில் சுமுகமான முடிவு எடுக்கப்பட்டுள்ளதாகவும். மக்கள் தொகைக்கு ஏற்ப அரசு ஊழியர்களுக்கு வீட்டு வாடகை படி உயர்வு அளிக்க மாநில அரசு ஒப்புதல் வழங்கியுள்ளது.
மேலும் அனைத்து மாவட்ட தலைமையகங்களிலும் உள்ள ஊழியர்களுக்கு 16 % வீட்டு வாடகைப்படி கிடைக்கும் எனவும், மாநில பிரிவினைக்கு பிறகு ஹைதராபாத்திலிருந்து இடம்பெயர்ந்த மாநிலச் செயலகம் மற்றும் துறைத்தலைவர் பணியாளர்களுக்கு 2024 ஆம் ஆண்டு ஜூன் மாதம் வரை 24 % வீட்டு வாடகைப்படி கிடைத்தாலும் அவர்கள் இதுவரை பெற்றதைவிட 6 % குறைவாகும் . இந்த வீட்டு வாடகை படி உயர்வு இந்த ஆண்டு ஜனவரி முதல் அமலுக்கு வருவதாகவும் மேலும்,70முதல் 74 வயதுக்குட்பட்ட ஓய்வுபெற்ற அரசு ஊழியர்களுக்கு 7% கூடுதல் ஓய்வூதியம் கிடைக்கும். 75 முதல் 79 வயதுக்குட்பட்ட இருக்கு 12 % ஓய்வூதியம் வழங்கப்படும் எனவும் தெரிவித்துள்ளார்.