ரஷ்ய அதிபர் புதின் இப்போது வெளிநாட்டு சுற்றுப் பயணத்தை மேற்கொண்டுள்ளார். அந்த வகையில் அவர் ஈரான் தலை நகர் டெஹ்ரானுக்கு நேற்று சென்றார். அங்கு ஈரான் அதிபரான இப்ராகிம் ரைசியை சந்தித்து பேசினார். இதனிடையில் அண்மை காலமாக ரஷ்ய அதிபர் புதினின் உடல்நிலை தொடர்பாக பல்வேறு தகவல்கள் பரவி வருகிறது. அதிலும் குறிப்பாக அவருக்கு புற்றுநோய் தீவிரமடைந்து வருவதாகவும், அதிகபட்சம் 2 முதல் 3 வருடங்கள் வரை மட்டுமே வாழ வாய்ப்பு இருப்பதாகவும் தகவல் வெளியாகி பரபரப்பை ஏற்படுத்தியிருந்தது.
இந்நிலையில் புதினின் உடல்நிலை மிகவும் ஆரோக்கியமாக உள்ளதாக அமெரிக்காவின் மத்திய புலனாய்வு அமைப்பின் இயக்குனர் வில்லியம் பர்ன்ஸ் தெரிவித்து உள்ளார். புதின் உடல் நிலை பற்றி அவர் கூறியதாவது “ஜனாதிபதி புதினின் உடல்நிலை தொடர்பாக பல்வேறு வதந்திகள் இருக்கிறது. எங்களுக்கு தெரிந்தவரை அவர் மிகவும் ஆரோக்கியமாக உள்ளதாக தெரிகிறது” என அவர் கூறினார்.