இயக்குனர் சேரன், ஆனந்தம் விளையாடும் வீடு என்ற படத்தின் படப்பிடிப்பில் கால் தவறி விழுந்து காயமடைந்துள்ளார். இயக்குனர் சேரன், கௌதம் கார்த்திக் உள்ளிட்ட பலர் நடிக்கும் படம் ஆனந்தம் விளையாடும் வீடு. நந்தா பெரியசாமி இந்த படத்தை இயக்குகிறார். சரவணன், டேனியல் பாலாஜி, வெண்பா, மொட்டை ராஜேந்திரன் உள்ளிட்ட பல நடிகர்கள் இதில் நடித்து வருகின்றனர். இதன் படப்பிடிப்பு சமீபத்தில் திண்டுக்கல்லில் நடைபெற்றது. இந்த படத்தில் வீடு ஒன்று பிரதானமாக இடம்பெறுகின்றது.
அந்த வீட்டில் படப்பிடிப்பு நடந்தபோது இயக்குனர் சேரன் கால் தடுமாறி கீழே விழுந்தார். இதில் அவருக்கு தலையில் பலத்த காயம் ஏற்பட்டு ரத்தம் கொட்டியது. இதனைத் தொடர்ந்து அவர் அருகில் உள்ள மருத்துவமனையில் அனுமதிக்கப்பட்டார். அவரது தலையில் எட்டு தையல் போடப்பட்டுள்ளது. இருந்தும் படப்பிடிப்பை ரத்து செய்யாமல் தொடர்ந்து தனது காட்சிகளை சேரன் நடித்து கொடுத்ததாக படக்குழுவினர் தெரிவித்துள்ளனர். இது குறித்து அவர் தெரிவித்துள்ளதாவது: “இப்போது பயம் ஒன்றும் இல்லை. உங்களின் அன்பால், கடவுளின் அருளால் காப்பாற்றப்பட்டேன்” எனக் கூறியுள்ளார்.