பிரசித்தி பெற்ற கோவிலின் நடை திறக்கப்பட இருப்பதால் தரிசனத்திற்கு செல்ல விரும்பும் பக்தர்கள் ஆன்லைனில் முன்பதிவு செய்து கொள்ளலாம்.
கொரோனா பரவால் காரணமாக கேரளாவில் உள்ள சபரிமலை ஐயப்பன் கோவில் கடந்த 2020-ம் ஆண்டு மூடப்பட்டது. அதன் பிறகு மாதாந்திர பூஜைகள் பக்தர்கள் இன்றி நடைபெற்றது. இந்நிலையில் கொரோனா பரவல் படிப்படியாக குறைய தொடங்கியதால் ஐப்பசி மாத பூஜையில் பக்தர்கள் அனுமதிக்கப்பட்டனர். கடந்த மாதம் ஆனி மாத பூஜைகளுக்காக 14-ஆம் தேதி நடை திறக்கப்பட்டு கணபதி பூஜை, உச பூஜை உள்ளிட்ட வழக்கமான பூஜைகள் அனைத்தும் நடைபெற்றது.
இந்த பூஜைகள் அனைத்தும் தந்திரி கண்டரரு மகேஷ் மோகனரு முன்னிலையில் நடைபெற்றது. இதனையடுத்து தற்போது ஆடி மாத பூஜைகளுக்காக வருகிற 16-ஆம் தேதி கோவில் நடை திறக்கப்படுவதாக அறிவிப்பு வெளியாகியுள்ளது. இந்த பூஜையானது 16-ஆம் தேதி முதல் 21-ஆம் தேதி வரை நடைபெறும். இந்த 5 நாட்களும் பக்தர்கள் தரிசனத்திற்காக அனுமதிக்கப்படுவார்கள் என்று அறிவிப்பு வெளியாகியுள்ளது. மேலும் கோவிலுக்கு செல்ல விரும்பும் பக்தர்கள் ஆன்லைனில் முன்பதிவு செய்ய வேண்டும். இந்த முன்பதிவானது நேற்று முதல் தொடங்கியுள்ளது.