நடிகர் பிரசாந்த் நடிப்பில் உருவாகி வரும் அந்தகன் படத்தில் நடிகர் சமுத்திரகனி இணைந்துள்ளார்.
தமிழ் திரையுலகில் பிரபல நடிகர் பிரசாந்த் நடிப்பில் உருவாகி வரும் திரைப்படம் அந்தகன். இந்த படம் பாலிவுட்டில் வெளியாகி சூப்பர் ஹிட் அடித்த அந்தாதுன் படத்தின் தமிழ் ரீமேக் ஆகும். இந்த படத்தில் பிரியா ஆனந்த், யோகிபாபு, சிம்ரன், கார்த்திக், மனோபாலா, கேஎஸ் ரவிக்குமார், ஊர்வசி, பூவையார், லீலா சாம்சன், செம்மலர் உள்ளிட்டோர் நடிக்கின்றனர். இந்த படத்தை நடிகர் பிரசாந்தின் தந்தை தியாகராஜன் இயக்கி வருகிறார் .
சமீபத்தில் இந்தப் படத்தின் படப்பிடிப்பு தொடங்கியது. இந்நிலையில் அந்தகன் படத்தில் பிரபல நடிகர் சமுத்திரகனி இணைந்துள்ளதாக தகவல் வெளியாகியுள்ளது . மேலும் இன்று படக்குழுவினருடன் பிரசாந்த் தனது பிறந்தநாளை கேக் வெட்டி கொண்டாடிய புகைப்படங்கள் வெளியாகி இணையத்தில் வைரலாகி வருகிறது. அந்த புகைப்படத்தில் நடிகர் சமுத்திரக்கனி போலீஸ் கெட்டப்பில் இருக்கிறார் என்பது குறிப்பிடத்தக்கது.