விஜய் பாலிவுட் திரைப்படத்தில் கெஸ்ட் ரோலில் நடிக்க இருப்பதாக தகவல் வெளியாகியுள்ளது.
தமிழ் சினிமா உலகில் உச்ச நட்சத்திரமாக வலம் வருபவர் விஜய். இவருக்கு உலகம் முழுவதும் ரசிகர்கள் பட்டாளம் இருக்கின்றது. அண்மையில் விஜய் நடிப்பில் பீஸ்ட் திரைப்படம் வெளியானது. தற்போது விஜய் தளபதி 66 திரைப்படத்தில் வம்சி இயக்கத்தில் நடித்து வருகின்றார். இந்நிலையில் விஜய்யின் அடுத்த திரைப்படத்தை யார் இயக்கப் போகிறார் என்ற கேள்வி எழுந்திருக்கிறது. லோகேஷ் கனகராஜ் இயக்குவார் என்ற செய்தி வந்து கொண்டிருக்கின்றது.
இந்த நிலையில் தற்போது ஒரு செய்தி வெளியாகி உள்ளது. அது விஜய்க்கு பிடித்த இயக்குனர்களில் ஒருவரான அட்லீ தற்போது பாலிவுட் நடிகரான ஷாருக்கான் திரைப்படத்தை இயக்கி வருகின்றார். அந்த திரைப்படத்தில் விஜய் கெஸ்ட் ரோலில் நடிக்க இருப்பதாக செய்திகள் வந்து கொண்டிருக்கின்றன. ஆனால் இது குறித்து அதிகாரப்பூர்வ தகவல் இதுவரை வெளிவரவில்லை.