பாலிவுட் பிரபலங்கள் அக்ஷய்குமார், ஷாருக்கான், அஜய்தேவ்கான் பான்மசாலா விளம்பரத்தில் நடித்திருப்பது ரசிகர்களிடையே பெரும் அதிர்ச்சியை ஏற்படுத்தியுள்ளது.
உடல் ஆரோக்கியத்திற்கு எப்போதும் முக்கியத்துவம் கொடுப்பவர் நடிகை அக்ஷய்குமார். அதேபோல அவர் புகை பிடிப்பது, மது அருந்துவது, பான்மசாலா போன்ற எந்த பழக்கமும் இல்லாதவர். இதனை பலமுறை அவரே பல பேட்டிகளில் கூறியுள்ளார். சிகரெட், மதுபான விளம்பரங்களில் இவர் நடித்ததில்லை. இந்நிலையில் விமல் என்ற குட்கா நிறுவனத்தின் ‘பான் மசாலா’ விளம்பரத்தில் அக்ஷய்குமார் நடித்திருப்பது அவரது ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது.
அந்த விளம்பரத்தில் நடிகர் அஜய் தேவ்கான், ஷாருக் கானும் நடித்துள்ளனர். இந்த விளம்பரம் ஒரு சில தினங்களுக்கு முன்பு வெளியானது. இதை பார்த்த ரசிகர்கள் சமூக வலைத்தளங்களில் அவர்களை திட்டி தீர்த்து வருகின்றனர். பணத்துக்காக எதையும் செய்யும் சாதாரண மனிதன் தான் என்பதை நீங்கள் நிரூபித்து விட்டீர்கள் என்று ஒருவர் கூறியுள்ளார்.