தமிழக சட்டமன்ற தேர்தலில் போட்டியிடும் பாஜக வேட்பாளர்களின் உத்தேச பட்டியல் வெளியிடப்பட்டுள்ளது.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் கூட்டணி குறித்த குழப்பம் நிலவி வருகிறது.
அதுமட்டுமன்றி தங்கள் ஆட்சி தமிழகத்தில் அமைத்தால் மக்களுக்கு பல்வேறு நலத்திட்டங்களை செய்து தருவதாக வாக்குறுதி அளிக்கப்பட்டு வருகின்றன. அதன்படி கடந்த சில நாட்களாகவே அதிமுக பல்வேறு நலத் திட்டங்களை மக்களுக்கு தொடர்ந்து செய்து வருகிறது. மேலும் மக்களை கவரும் அதிரடி அறிவிப்புகளை வெளியிட்டு வருகிறது. இதனை அடுத்து ஒவ்வொரு கட்சியினரும் கூட்டணி மற்றும் தொகுதி பங்கீடு பற்றி தீவிர ஆலோசனை நடத்தி வருகின்றனர்.
இந்நிலையில் தமிழக பாஜக வேட்பாளர்களின் உத்தேச பட்டியல் வெளியிடப்பட்டுள்ளது.
ராசிபுரம் – எல்.முருகன்
கிணத்துக்கடவு – அண்ணாமலை
மயிலாப்பூர் – கே.டி.ராகவன்
காரைக்குடி – எச்.ராஜா
கோவை தெற்கு – வானதி சீனிவாசன்.
திருவல்லிக்கேணி – குஷ்பூ
நெல்லை – நயினார் நாகேந்திரன்
வேலூர் – கார்த்தியாயினி
ஓசூர் – நரேந்திரன்
தூத்துக்குடி – சிவமுருகன் ஆதித்தன்
துறைமுகம் – வினோஜ் பி.செல்வம்
மதுரை கிழக்கு – பே.ரா.சீனிவாசன்
ராஜபாளையம் – கௌதமி
காஞ்சிபுரம் – கேசவன்
திருத்தணி – சக்கரவர்த்தி
பழனி – கார்வேந்தன்
சிதம்பரம் – ஏழுமலை
ஆத்தூர் – பிரேம் துரைசாமி
திருவண்ணாமலை – தணிகைவேல்