மணிப்பூர் மாநிலத்தில் கடந்த பிப்ரவரி 28ஆம் தேதி, மார்ச் 5ஆம் தேதி என இரண்டு கட்டங்களாக 60 சட்டமன்ற தொகுதிகளுக்கு தேர்தல் நடந்து முடிந்துள்ளது. அதில் 60 தொகுதிகளிலும் பாஜக தனித்து போட்டியிட்டது குறிப்பிடத்தக்கது. வரும் 10ஆம் தேதி அன்று இதற்கான வாக்கு எண்ணிக்கை எண்ணப்பட்டு முடிவுகள் அறிவிக்கப்பட உள்ளது. மணிப்பூரில் 31 தொகுதிகளை கைப்பற்றினால் மட்டுமே ஆட்சியை பிடிக்க முடியும். தற்போது மணிப்பூரில் பாஜக ஆட்சியில் இருந்து வரும் நிலையில் காங்கிரஸ் ஆட்சியை பிடிக்குமா ? என்ற எதிர்பார்ப்பும் ஏற்பட்டுள்ளது. இந்நிலையில் மணிப்பூரில் யார் ஆட்சியை பிடிக்க வாய்ப்புள்ளது ? என்பது தொடர்பான தேர்தலுக்கு பிந்தைய கருத்துக் கணிப்புகள் முடிவுகள் வெளியாகியுள்ளது.
P-Marq கருத்துக்கணிப்பு:-
தேசிய மக்கள் கட்சி 8, பாஜக 17, காங்கிரஸ் 31, பிற கட்சிகள் 4 இடங்களில் வெற்றி பெற வாய்ப்புள்ளதாக கூறுகிறது.
இதன் மூலம் மணிப்பூர் மாநிலத்தில் காங்கிரஸ் ஆட்சியை பிடிக்கக்கூடும் என்ற எதிர்பார்ப்பு எழுந்துள்ளது.
India Today – Axis My India கருத்துக்கணிப்பு:-
33 முதல் 43 இடங்களில் பாஜகவும், 4 முதல் 8 இடங்களில் காங்கிரசும், 4 முதல் 8 இடங்களில் தேசிய மக்கள் கட்சியும், 4 முதல் 8 இடங்களில் NPF, பிற கட்சிகள் 0 முதல் 7 இடங்களில் வெற்றி பெறும் என்று தெரிவித்துள்ளது.
அதேபோல் வாக்கு சதவீதத்தை பொறுத்தவரை NPF 8, NPP 16, காங்கிரஸ் 18, பாஜக 41, பிற கட்சிகள் 17 பெறும் என்று கணிக்கப்பட்டுள்ளது.
Zee-Designboxed கருத்துக்கணிப்பு:-
காங்கிரஸ் 12 – 17, பாஜக 39, NPF 3 – 5, NPP 2 – 5 இடங்களில் வெற்றி பெறக்கூடும் என்று தெரிவிக்கப்பட்டுள்ளது. கடந்த 2017 சட்டமன்ற தேர்தலில் காங்கிரஸ் கட்சி 28 இடங்களில் வென்று தனிப் பெரும்பான்மை பெற்றது.
இதற்கு அடுத்ததாக 21 இடங்களில் பாஜக வெற்றி பெற்றிருந்தது. இருப்பினும் எதிர்பாராத விதமாக லோக் ஜன்சகதி, நாகா மக்கள் முன்னணி, தேசிய மக்கள் கட்சி ஆகிய கட்சிகளின் ஆதரவுடன் பாஜக ஆட்சியை கைப்பற்றியது. மணிப்பூர் முதல்வராக என்.பைரேன் சிங் பதவியேற்றார். இதன்மூலம் முதல்முறையாக மணிப்பூரில் பாஜக ஆட்சியில் அமர்ந்தது குறிப்பிடத்தக்கது ஆகும்.