தமிழ் சினிமாவில் இசையமைப்பாளராகவும் நடிகராகவும் வலம் வருபவர் விஜய் ஆண்டனி. இவர் தற்போது கிரைம் திரில்லர் வகை படம் ஒன்றில் நடித்துள்ளார். இந்த படத்திற்கு கொலை என்று பெயரிடப்பட்டுள்ளது. இந்த படத்தை ‘விடியும் முன்’ புகழ் இயக்குனர் பாலாஜி குமார் இயக்கியுள்ளார். இந்த படத்தை இன்ஃபினிட்டி & லோட்டஸ் ப்ரொடெக்ஷன் தயாரித்துள்ளது. இந்த படத்தில் விஜய் ஆண்டனிக்கு ஜோடியாக நடிகை ரித்திகா சிங் நடித்துள்ளார். மேலும் மீனாட்சி சவுத்ரி, ராதிகா சரத்குமார், அர்ஜுன் சிதம்பரம் உள்ளிட்ட பலர் நடித்துள்ளனர்.
இந்த படத்திற்கு சிவகுமார் விஜயன் ஒளிப்பதிவு செய்துள்ளார். கிரீஷ் கோபாலகிருஷ்ணன் இசையமைத்துள்ளார். சமீபத்தில் இப்படத்தின் முதல் பாடல் மற்றும் டிரைலர் வெளியாகி ரசிகர்களின் மத்தியில் அதிக வரவேற்பு பெற்றது. இந்நிலையில் கொலை படத்தின் இரண்டாவது பாடல் ‘பார்த்த ஞாபகம் இல்லையோ’ வெளியாகி உள்ளது. இசையமைப்பாளர் ஏ.ஆர்.ரகுமான் தனது சமூக வலைதளத்தில் வெளியிட்ட இந்த பாடல் ரசிகர்களின் மலரும் நினைவுகளை ஞாபகப்படுத்தியதாக கூறப்படுகிறது.