“பணியாளர் ஓய்வூதிய திட்டம்”… டபுளாகும் ஓய்வூதியம்…. இதோ முழு விபரம்….!!!!

நாம் வேலைசெய்யத் துவங்கி இபிஎஃப்-ல் உறுப்பினராகும்போது, ​​அதே சமயத்தில் இபிஎஸ்-லும் உறுப்பினராகிறோம். ஊழியர் தன் சம்பளத்தில் 12 சதவீதம் இபிஎஃப் இல் கொடுக்கிறார். இதற்கிடையில் அதே தொகையை அவரது நிறுவனமும் கொடுக்கிறது. எனினும் இந்த 8.33 சதவீதத்தில் ஒருபகுதி இபிஎஸ்- க்கும் செல்கிறது. மேலே குறிப்பிட்டுள்ளவாறு இப்போது அதிகபட்சம் ஓய்வூதியசம்பளம் 15 ஆயிரம் ரூபாய் மட்டுமே ஆகும். அதாவது மாதந்தோறும் ஓய்வூதியபங்கு அதிகபட்சமாக (15,000ல் 8.33%) ரூ.1250 ஆக இருக்கும்.

ஊழியர் ஓய்வு பெற்றாலும் ஓய்வூதியத்தை கணக்கிடுவதற்கான அதிகபட்சமான சம்பளமானது ரூ.15 ஆயிரமாக மட்டுமே கருதப்படுகிறது. அதன்படி இபிஎஸ்-ன் கீழ் ஊழியர் ஒருவர் பெறும் அதிகபட்சமான ஓய்வூதியமானது ரூபாய் 7,500 ஆகும். நீங்கள் செப்டம்பர் 1 2014-க்கு முன்னதாக இபிஎஸ்- க்கு பங்களிக்கத் துவங்கி இருந்தால், உங்களுக்கான ஓய்வூதியம்பங்களிப்புக்கான அதிகபட்சம் மாத சம்பளவரம்பு ரூபாய் 6500 ஆக இருக்கும் என்பதை கவனத்தில்கொள்ள வேண்டும். செப்டம்பர் 1 2014க்குப் பின் நீங்கள் இபிஎஸ்- ல் சேர்ந்து இருந்தால் அதிகபட்ச சம்பளவரம்பு 15,000 ஆக இருக்கும். தற்போது ஓய்வூதியமானது எவ்வாறு கணக்கிடப்படுகிறது என்பது பற்றி தெரிந்து கொள்வோம்.இபிஎஸ் கணக்கீட்டு சூத்திரம் என்ன?  

# மாதாந்திர ஓய்வூதியம் =(ஓய்வூதியம் பெறும் சம்பளம்Xஇபிஎஸ் பங்களிப்பு வழங்கப்பட்ட வருடங்கள்)/70

# இங்கே ஊழியர் செப்டம்பர் 1 2014-க்குப் பின் இபிஎஸ்- க்கு பங்களிப்பு செய்யத் துவங்குகிறார் என வைத்துக்கொள்வோம்.

# அவ்வாறு இருப்பின் ஓய்வூதிய பங்களிப்பானது ரூபாய்.15,000 ஆக இருக்கும்.

# அவர் 30 வருடங்கள் பணியாற்றினார் என வைத்துக்கொள்வோம்.

# மாதாந்திர ஓய்வூதியம் =15,000 X 30/70 = ரூபாய் 6428

இன்னும் ஒரு விஷயம் கவனத்தில்கொள்ள வேண்டியது என்னவெனில் பணியாளரின் 6 மாதங்கள் (அல்லது) அதற்கு மேற்பட்ட சேவை 1 வருடமாக கருதப்படும். அது குறைவாக இருப்பின் கணக்கிடப்படாது. அதன்படி பணியாளர் 14 வருடங்கள் 7 மாதங்கள் பணிபுரிந்து இருந்தால், அது 15 ஆண்டுகளாகக் கருதப்படும். எனினும் நீங்கள் 14 வருடங்கள் மற்றும் 5 மாதங்கள் பணிபுரிந்து இருப்பின் 14 ஆண்டு சேவை மட்டுமே கணக்கிடப்படும். இபிஎஸ்-ன் கீழ் குறைந்தபட்சம் ஓய்வூதியத்தொகை மாதம் 1000 ரூபாய் ஆகும். அதிகபட்சமான ஓய்வூதியமானது 7500 ரூபாய் ஆகும்.

ரூபாய் 8,571 ஓய்வூதியம் கிடைக்கும்

# 15,000 எனும் வரம்பு நீக்கப்பட்டு அடிப்படைச்சம்பளம் 20,000 ரூபாயாக இருப்பின் பார்முலாவின் அடிப்படையில் உங்களுக்குக் கிடைக்கும் ஓய்வூதியமானது இப்படித்தான் இருக்கும்.
– (20,000 X 30)/70 = ரூ 8,571.

# ஓய்வூதியத்திற்கான (இபிஎஸ்) இப்போதைய நிபந்தனைகள்

# ஓய்வூதியத்திற்கு இபிஎப் உறுப்பினராக இருப்பது அவசியமாகும்.

# குறைந்தபட்சம் 10 ஆண்டுகள் வழக்கமான பணியில் இருப்பது கட்டாயம் ஆகும்.

# ஊழியருக்கு 58 வயதாகும் போது ஓய்வூதியம் கிடைக்கும்.

# 50 வருடங்களுக்கும் பின்பும், 58 வயதிற்கு முன்னதாகவே ஓய்வூதியத்தை பெறுவதற்கு வசதியிருக்கிறது.

# முதல் ஓய்வூதியத்தைப் பெறும் போது குறைக்கப்பட்ட ஓய்வூதியத்தைப் பெறுவீர்கள். இதற்கென நீங்கள் படிவம் 10டியை நிரப்ப வேண்டும்.

# ஊழியர் இறந்தால் குடும்பத்துக்கு ஓய்வூதியம் கிடைக்கும்.

# சேவைவரலாறு 10 வருடங்களுக்கு குறைவாக இருப்பின் அவர்கள் 58 வயதில் ஓய்வூதியத்தொகையை திரும்பப் பெறுவதற்கான வசதியும் கிடைக்கும்.