படு தோல்வி அடைந்த லைகர் படம்… நஷ்ட ஈடு வழங்க பிரபல நடிகை மறுப்பு….?

தமிழ் திரையுலகில் காதல் அழிவதில்லை, காதல் கிசுகிசு,  போன்ற படங்களில் நடித்திருக்கின்றார் தெலுங்கு நடிகையான சார்மி. பிரபல தெலுங்கு டைரக்டர் பூரி ஜெகன்நாதன் இணைந்து படங்கள் தயாரித்து வருகின்றார். விஜய் தேவர்கொண்டா நடிப்பில் பூரி ஜெகன்நாத் இயக்கத்தில் சார்மி தயாரித்த  திரைப்படம் லைகர்  சமீபத்தில் திரைக்கு வந்து படு தோல்வி அடைந்துள்ளது. இதனால் அதிர்ச்சியான சார்மி வலைதளத்தில் இருந்து விலகி உள்ளார் தோல்வியின் காரணமாக விஜய் தேவரகொண்டா தனது சம்பளத்தில் ஆறு கோடி ரூபாயை திருப்பிக் கொடுத்து விட்டார். அவர் 15 கோடி ரூபாய் சம்பளம் பெற்றதாகவும் லாபத்திலும் பங்கு வேண்டும் என ஒப்பந்தம் போட்டுக் கொண்டதாகவும் கூறப்படுகிறது. இந்த நிலையில் லைகர் திரைப்படத்தை தங்களிடம் அதிக விலைக்கு விற்று விட்டதாகவும் அதனால் நஷ்ட ஈடு தரவேண்டும் என விநியோகஸ்தர்கள் போர்க்கொடி உயர்த்தி இருக்கின்றார்கள். அனைத்து விநியோகஸ்தர்களும் தங்களுடைய முதலீட்டில் 70 சதவீதத்தை இழந்திருப்பதாக கூறப்படுகிறது. ஆனால் சார்மி விநியோகஸ்தர்களை சந்தித்து பேசவும் நஷ்ட ஈடு வழங்கவும் மறுத்துவிட்டதாக தகவல்கள் வெளியாகி இருக்கிறது. இதனை அடுத்து பிரச்சனையை தெலுங்கு பட வர்த்தக சபைக்கு கொண்டு செல்ல விநியோகஸ்தர்கள் முடிவு செய்திருக்கின்றனர்.