பிரபல நடிகை உலகநாயகனுடன் சேர்ந்து எடுத்த புகைப்படத்தை தன்னுடைய ட்விட்டர் பக்கத்தில் வெளியிட்டுள்ளார்.
தமிழ் திரையுலகில் பிரபல நடிகராக வலம் வரும் கமல்ஹாசன் நடிப்பில் வெளியான விக்ரம் திரைப்படம் ரசிகர்கள் மத்தியில் நல்லதொரு வரவேற்பை பெற்றதால், 2 வாரங்கள் கடந்தும் தியேட்டரில் கூட்டம் அலை மோதுகிறது. இந்த படத்தை லோகேஷ் கனகராஜ் இயக்க ,முக்கிய வேடங்களில் விஜய் சேதுபதி, பகத் பாசில் மற்றும் சூர்யா உள்ளிட்ட பல நடிகர்கள் நடித்துள்ளனர். இந்தப் படம் நல்ல வசூல் பெற்றுள்ளதால் நடிகர் கமல்ஹாசன் படக்குழுவினருக்கு பரிசுகளை வழங்கி வருகிறார். அந்த வகையில் நடிகர் கமல்ஹாசன் விக்ரம் படத்தின் சக்சஸ் பார்ட்டி ஒன்றை நடத்தினார்.
இதில் நடிகை குஷ்பு கலந்து கொண்டார். இந்த பார்ட்டியின் போது நடிகை குஷ்பு கமல்ஹாசனுடன் சேர்ந்து எடுத்த புகைப்படத்தை தன்னுடைய ட்விட்டர் பக்கத்தில் பதிவிட்டுள்ளார். அந்த போட்டோவுடன் MY HERO, MY VIKRAM, MY FRIEND போன்ற ஹேஷ்டேக்குகளையும் பயன்படுத்தியுள்ளார். இந்த புகைப்படம் தற்போது இணையத்தில் வைரலாகும் நிலையில், ரசிகர்கள் பலர் குஷ்பூ கமலை விட ஒல்லியாகி விட்டார் என்றும், அதனால் நடிகர் கமலுடன் இணைந்து சிங்காரவேலன் 2 படத்தில் நடித்தால் எப்படி இருக்கும் என்றும் கமெண்ட் செய்து வருகின்றனர்.