உக்ரேன் மீதான தாக்குதலை முன்னிட்டு ரஷ்யாவின் அரசு செய்தி ஊடகங்கள் இனி யூடியூப் பக்கத்தில் இடம் பெறாது என்று அந்நிறுவனம் அறிவித்துள்ளது.
உக்ரேன் மீது அபார பலம் கொண்ட ரஸ்யா 17 ஆவது நாளாக இன்று போர் தொடுத்து வருகிறது. மேலும் ரஷ்யா உக்ரைன் மீது குண்டுமழை பொழிந்து வருகிறது. அது மட்டுமின்றி தரை, வான், கடல் என மும்முனைகளிலிருந்தும் ரஷ்யா உக்ரேன் மீது தாக்குதல் நடத்தி வருகிறது. இதற்கு உக்ரைனும் தகுந்த பதிலடி கொடுத்து வருகிறது. ஆகையினால் இருதரப்பு மோதலில் அதிக உயிரிழப்புகள் ஏற்பட்டு வருகிறது. இந்த தாக்குதலுக்கு உலக நாடுகள் ரஷ்யாவிற்கு கண்டனம் தெரிவித்து வருகிறது.
அது மட்டுமின்றி பல வணிக நிறுவனங்கள் ரஷ்யாவில் தங்களது செயல்பாடுகளை நிறுத்தி வைத்துள்ளது. அந்த வரிசையில் தற்போது யூடியூப் நிறுவனமும் சேர்ந்துள்ளது. அதாவது ரஸ்யாவின் அரசு செய்தி ஊடகங்கள் இனி யூடியூப் பக்கங்களில் இடம்பெறாது என்று அந்நிறுவனம் தெரிவித்துள்ளது. இதனால் ரஷ்ய அரசு செய்தி நிறுவனங்களான ஆர்டி, ஸ்புட்னிக், டாஸ் போன்றவைகளுக்கு பெரும் வருவாய் இழப்பு ஏற்பட்டுள்ளது.