உக்ரைன் மீதான ரஷ்யாவின் ஆக்ரோஷமான போர் ஒரு மாதம் காலத்தை கடந்து நீடித்து வருகிறது. உக்ரைனுக்கு ஆதரவான அனைத்து நடவடிக்கைகளிலும் அமெரிக்கா, ஐரோப்பியா உள்ளிட்ட நாடுகள் ஈடுபட்டுள்ளது. அதன்படி ரஷ்யா மீது கடும் பொருளாதார தடைகளை விதித்துள்ளது. இதனால் ரஷ்ய பொருளாதாரம் வீழ்ச்சியை சந்தித்தாலும், மறுமுனையில் உக்ரைனின் பொருளாதாரம் வீழ்ச்சிப் பாதையில் சென்று கொண்டிருக்கிறது என சர்வதேச நாணய நிதியம் (ஐ எம் எப்) எச்சரித்துள்ளது .
உக்ரைனின் பொருளாதாரம் இந்த வருடம் தொடக்கத்தின் முதல் கால்பங்கு பகுதியில் 16% சுருங்கியது. ரஷ்ய படையெடுப்பின் விளைவாக 2022ஆம் வருடம் உக்ரைனின் பொருளாதாரம் 40 சதவீதம் வரையிலும் சரிவை சந்திக்கும் அபாயம் இருப்பதாக உக்ரைன் பொருளாதார அமைச்சகம் கவலையுடன் தெரிவித்து உள்ளது. அதிலும் குறிப்பாக தொலைதூரத்தில் இருந்து கொண்டு பணி செய்ய முடியாத பகுதிகள் மற்றும் நேரடியாக பணியாளர்கள் சென்று பணிபுரிய வேண்டிய துறைகள் தான் மிகவும் பாதிக்கப்பட்டுள்ளது என உக்ரைன் பொருளாதார அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.