ஆஸ்திரேலியா அணி ஆகஸ்டு மாதம் ஜிம்பாப்வே அணிக்கு எதிரான ஒரு நாள் தொடரிலும், அதனை தொடர்ந்து நியூசிலாந்து அணிக்கு எதிரான தொடரிலும் விளையாட இருக்கிறது. இந்த இருஅணிகளுக்கு எதிரான ஆஸ்திரேலியா ஒரு நாள் அணி அறிவிக்கப்பட்டது. இவற்றில் ஆஸ்திரேலியா டெஸ்ட் அணியின் கேப்டன் பேட் கம்மின்சுக்கு ஓய்வு வழங்கப்பட்டது. அத்துடன் சுழற் பந்து வீச்சாளர் ஆடம் ஜம்பா ஒரு நாள் அணியில் இடம்பிடித்துள்ளார். இதற்கு முன்னதாக இலங்கை அணிக்கு எதிரான தொடரில் அவர் இடம்பெறவில்லை.
அவருடைய மனைவிக்கு குழந்தை பிறந்த காரணத்தால் அத்தொடரில் இருந்து விலகினார். இந்த நிலையில் நியூசிலாந்து, ஜிம்பாப்வே அணிகளுக்கு இடையிலான ஒரு நாள் தொடரில் மீண்டுமாக ஜம்பா இணைந்துள்ளார். அதே சமயத்தில் ஆஷ்டன் அகர், சீன் அபோட் அணியில் இடம்பெற்றுள்ளனர். இலங்கை அணிக்கு எதிரான ஒருநாள் தொடரில் இடம்பெற்ற மிட்செல் ஸ்வெப்சன், ஜோஷ் இங்கிலிஸ், ரிச்சர்ட்சன் மற்றும் மேத்யூ குஹ்னெமன் போன்றோர் இந்த அணியில் இடம்பெறவில்லை.