வீரமே வாகை சூடும் திரைப்படத்தின் வெற்றியை அடுத்து நடிகர் விஷால் இப்போது நடித்து வரும் படம் லத்தி ஆகும். அறிமுகம் இயக்குனர் வினோத்குமார் இயக்கும் இந்த படத்தை ரமணா மற்றும் நந்தா இணைந்து தயாரிக்கின்றனர். இப்படத்திற்கு யுவன் ஷங்கர் ராஜா இசையமைக்கும் நிலையில், படப்பிடிப்பு மும்முரமாக நடைபெற்று வருகிறது. இந்த நிலையில் நடிகர்விஷால் அவருடைய சமூகவலைத்தளப் பக்கத்தில் பதிவிட்டு இருப்பது அவரின் ரசிகர்கள் கவனத்தை ஈர்த்துள்ளது.
அதாவது “சென்ற 2019 ஆகஸ்ட் 27 அன்று விஷாலின் தங்கை ஐஸ்வர்யா கிருஷ்ணா – கிருடிஷ் திருமணம் நடந்தது. இவர்களுக்கு இப்போது பெண் குழந்தை பிறந்துள்ள தகவலை விஷால் அவரின் பதிவின் வாயிலாக தெரிவித்துள்ளார். மேலும் இதை விட என்ன கேட்டுவிட முடியும், நான் மாமா ஆகியிருக்கிறேன் என்பதில் பெரும் மகிழ்ச்சி அடைகிறேன். என்னுடைய இளவரசி தங்கை ஐசுவிற்கு பெண் குழந்தை பிறந்து இருக்கிறது. ஆகவே புதிய இளவரசியை கடவுள் ஆசிர்வதிக்கட்டும், இன்ஷா அல்லாஹ்’ என்று குறிப்பிட்டுள்ளார்.