நடிகர் விஜய் சேதுபதிக்கு பிரபாகரன் வேடத்தில் நடிக்க பிரபல இயக்குனர் அழைப்பு விடுத்துள்ளதுள்ளார்.
நடிகர் விஜய் சேதுபதி நடிப்பில் உருவாக இருந்தது 800 படம். இதற்கு கடும் எதிர்ப்புகள் கிளம்பிய நிலையில் தற்போது அவர் படத்திலிருந்து விலகுவதாக அறிவித்திருந்தார். இந்த நிலையில் இயக்குனர் ஏ.எம்.ஆர்.ரமேஷ் அவர்கள் விடுதலைப்புலிகள் தலைவர் பிரபாகரன் வேடத்தில் நடிக்க விஜய் சேதுபதிக்கு அழைப்பு விடுத்துள்ளார். இதை வெப் தொடராக எடுக்க அவர் திட்டமிட்டுள்ளார்.
இவர் ஏற்கனவே ராஜீவ்காந்தி கொலை வழக்கை ‘குப்பி’ என்ற பெயரிலும், வீரப்பனின் வாழ்க்கை கதையை ‘வனயுத்தம்’ என்ற பெயரிலும், படமாக எடுத்து வெளியிட்டிருந்தார். தற்பொழுது வீரப்பன் வாழ்க்கையை தொடராக இயக்கி வரும் இவர் அடுத்ததாக விடுதலை புலிகள் தலைவர் பிரபாகரன் வாழ்க்கையை தொடராக எடுக்க திட்டமிட்டிருக்கிறார்.
ஆகவே பிரபாகரன் கதாபாத்திரத்துக்கு விஜய்சேதுபதி பொருத்தமாக இருப்பார் என அவரிடம் பேச்சுவார்த்தை நடத்த முடிவு செய்துள்ளதாகவும் மற்றும் பிரபாகரன் வாழ்க்கை சம்பவங்கள் முழுவதும் இத்தொடரில் இருக்கும் என ஏ.வி.எம். ரமேஷ் கூறியிருக்கிறார்.