தனுஷ் நடிக்கும் நானே வருவேன் படத்தின் படப்பிடிப்பு இன்று பூஜையுடன் தொடங்கப்பட்டுள்ளது.
தமிழ் திரையுலகில் காதல் கொண்டேன், புதுப்பேட்டை, ஆயிரத்தில் ஒருவன், மயக்கம் என்ன, NGK போன்ற படங்களை இயக்கி ரசிகர்களிடையே பிரபலமடைந்தவர் செல்வராகவன். அடுத்ததாக இவர் தனுஷ் கதாநாயகனாக நடிக்கும் நானே வருவேன் படத்தை இயக்க இருக்கிறார். கலைப்புலி எஸ்.தாணு தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். ஆகஸ்ட் 17-ம் தேதி இந்த படத்தின் படப்பிடிப்பு தொடங்கப்படும் என செல்வராகவன் அறிவித்திருந்தார்.
ஆனால் திட்டமிட்டபடி படப்பிடிப்பு தொடங்கப்படவில்லை. இந்நிலையில் இன்று நானே வருவேன் படத்தின் படப்பிடிப்பு பூஜையுடன் தொடங்கப்பட்டுள்ளது. மேலும் இந்த படத்தில் பிகில் பட நடிகை இந்துஜா கதாநாயகியாக நடிக்க இருக்கிறார். தற்போது நானே வருவேன் பட பூஜையின் போது எடுக்கப்பட்ட புகைப்படங்கள் வெளியாகி இணையத்தில் வைரலாகி வருகிறது.