தமிழ் சினிமாவின் பிரபலன நடிகராக வலம் வரும் விஜய் “மாஸ்டர்” படத்திற்கு பின் நடித்துள்ள திரைப்படம் “பீஸ்ட்” ஆகும். இயக்குனர் நெல்சன் திலீப்குமார் இப்படத்தை இயக்கி இருக்கிறார். இந்த படத்தில் விஜய்க்கு ஜோடியாக பூஜாஹெக்டே நடித்து உள்ளார். வரும் ஏப்ரல் 13ஆம் தேதி பீஸ்ட் திரைப்படம் வெளியாக இருக்கிறது. அனிருத் இசை அமைக்கும் இந்த படத்தை சன் பிக்சர்ஸ் நிறுவனம் தயாரித்து உள்ளது. இந்த படத்தின் படப்பிடிப்பு நிறைவடைந்ததை அடுத்து அண்மையில் இப்படத்தின் டிரைலர் வெளியாகியது.
அதிரடி சண்டை காட்சிகள் கொண்ட அந்த டிரைலர் ரசிகர்களிடம் பெரும் வரவேற்பை பெற்றது. இந்த நிலையில் இந்த படத்திற்கு பிரபல பாலிவுட் நடிகர் ஷாருக்கான் வாழ்த்து தெரிவித்து பதிவிட்டு உள்ளார். அந்த பதிவில் அவர் கூறியிருப்பதாவது, இயக்குனர் அட்லியை போன்று நானும் விஜய் ரசிகர்தான். இதையடுத்து “பீஸ்ட்” படக்குழுவுக்கு வாழ்த்துக்கள் என்று பதிவிட்டு நெகிழ்ந்துள்ளார். இவரின் இப்பதிவு சமூக வலைத்தளத்தில் வைரலாகி வருகிறது.