“நாங்கள் பதில் நடவடிக்கைக்கு தயாராக இருக்கிறோம்”… சீன போர்க்கப்பல்கள் விமானங்கள் குவிப்பு…!!!!!!!

தீவு நாடான தைவானை சீனா சொந்தம் கொண்டாடி வரும் வேளையில் கடந்த இரண்டாம் தேதி அமெரிக்க நாடாளுமன்ற சபாநாயகர் நான்சி பெலோசி சீனாவின் எதிர்ப்பை மீறி தைவானுக்கு சென்றுள்ளார். அவரை தொடர்ந்து அமெரிக்க நாடாளுமன்ற உறுப்பினர்கள் அமெரிக்காவின் இன்டியானா மாகாண கவர்னர் என அமெரிக்கா உயர்மட்ட அரசியல் தலைவர்கள் அடுத்தடுத்து தைவனுக்கு பயணம் மேற்கொண்டு இருக்கின்றனர். இதனால் ஆத்திரமடைந்திருக்கின்ற சீனா அடிக்கடி தைவனை சுற்றி கடல் மற்றும் வான் பரப்பில் போர் பயிற்சி ஈடுபட்டுக் கொண்டிருக்கிறது. இந்த சூழலில் தங்கள் நாட்டில் எல்லையில் சீனா தனது போர்க்கப்பல் மற்றும் விமானங்களை குவித்திருப்பதாக தைவான்  ராணுவம் குற்றம் சாட்டியிருக்கின்றது. இது பற்றி வெளியிட்டுள்ள அறிக்கையில் கூறப்பட்டிருப்பதாவது, சீன ராணுவத்தின் எட்டு விமானம் தாக்கி போர்க்கப்பல்கள், 25 விமானங்கள் தைவானை சுற்றி நிறுத்தப்பட்டு இருக்கிறது. மேலும் நிலைமை உன்னிப்பாக கவனித்து வரும் தைவான் ராணுவம் பதில் நடவடிக்கைக்கு தயாராக இருக்கிறது என கூறப்பட்டுள்ளது.