முன்னணி இயக்குனரான பா.ரஞ்சித் இயக்கத்தில் உருவாகி இருக்கும் திரைப்படம் “நட்சத்திரம் நகர்கிறது”. இந்த படம் முழுக்கமுழுக்க காதல் கதையம்சம் கொண்ட திரைப்படமாக தயாராகி வந்தது. இந்த திரைப்படத்தில் காளிதாஸ் ஜெயராம் மற்றும் துஷாரா விஜயன் முண்ணனி கதாபாத்திரங்களில் நடித்து உள்ளனர். அத்துடன் கலையரசன், ஹரி கிருஷ்ணன், சார்பட்டா பரம்பரை திரைப்படத்தில் ‘டான்ஸிங் ரோஸ்’ கதாபாத்திரத்தில் நடித்த ஷபீர் உள்ளிட்ட பலர் இத்திரைப்படத்தில் நடித்துள்ளனர்.
நீலம் புரொடக்சன்ஸ் மற்றும் யாழிபிலிம்ஸ் இணைந்து தயாரிக்கும் இந்த படத்துக்கு 2ம் போரின் கடைசி குண்டு படத்தின் இசையமைப்பாளர் தென்மா இசையமைத்துள்ளார். இத்திரைப்படம் விரைவில் திரையரங்குகளில் வெளியாகவுள்ள சூழ்நிலையில் அண்மையில் இந்த படத்தின் ஃர்ஸ்ட் லுக் வெளியாகி நல்ல வரவேற்பை பெற்றது. அதன்பின் இப்படத்தின் புது அப்டேட் வெளியாகியுள்ளது. அந்த வகையில் “நட்சத்திரம் நகர்கிறது” கதாபாத்திரங்களை நாளை மாலை 6 மணிக்கு அறிமுகம் செய்ய உள்ளதாக பா. ரஞ்சித் போஸ்டர் ஒன்றை வெளியிட்டுள்ளார். இந்த போஸ்டர் ரசிகர்களின் கவனத்தை ஈர்த்துவருகிறது.
