உடன்பிறப்பே படத்தில் நீக்கப்பட்ட காட்சியை படக்குழு வெளியிட்டுள்ளது.
தமிழ் திரையுலகில் முன்னணி நடிகையாக வலம் வரும் ஜோதிகாவின் 50-வது படம் உடன்பிறப்பே. கடந்த அக்டோபர் 14-ஆம் தேதி இந்த படம் நேரடியாக அமேசான் பிரைமில் ரிலீசானது. இரா.சரவணன் எழுதி இயக்கியுள்ள இந்த படத்தில் சசிகுமார், சமுத்திரகனி, சூரி, கலையரசன், குக் வித் கோமாளி பிரபலம் தீபா உள்ளிட்ட பலர் நடித்திருந்தனர்.
சூர்யாவின் 2டி என்டர்டெயின்மென்ட் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார். அழகான குடும்ப படமாக வெளியான இந்த படம் ரசிகர்களிடையே நல்ல வரவேற்பை பெற்றது. இந்நிலையில் உடன்பிறப்பே படத்தில் நீக்கப்பட்ட ஒரு காட்சியின் வீடியோவை படக்குழு வெளியிட்டுள்ளது. தற்போது இந்த வீடியோ இணையத்தில் வைரலாகி வருகிறது.