நடிகர் சித்தார்த் மற்றும் நடிகை அதிதி ஹைதரி காதலிப்பதாக தொடர்ந்து செய்திகள் வெளியாகிவந்தன. இரு தரப்பிலும் இதை மறுக்கவோ, ஏற்கவோ இல்லை. சில தினங்களுக்கு முன்பு சென்னையில் நடந்த பொன்னியின் செல்வன் படத்தின் இசை வெளியீட்டு விழாவிற்கு இருவரும் ஒரே காரில் வந்து இறங்கினார்கள். விழா நடைபெறும் இடத்திலும் ஒன்றாகவே அமர்ந்து நிகழ்ச்சியை ரசித்தனர்.
இருவரும் ஒன்றாக அமர்ந்திருக்கும் புகைப்படங்கள் இணையத்தில் வைரலானது. இந்நிலையில் அதிதிக்கு பிறந்தநாள் வாழ்த்து கூறி இருவரும் நெருக்கமாக இருப்பது போல் இரு புகைப்படத்தை சித்தார்த் பதிவிட்டுள்ளார். இது அவர்களது காதலை உறுதி செய்வதாக இருக்கிறதென்று ரசிகர்கள் பதிவிட்டு வருகின்றனர். அதிதிராவ் மணிரத்னம் இயக்கிய காற்று வெளியிடை படத்தில் நடித்து ரசிகர்களுக்கு அறிமுகமானவர் என்பது குறிப்பிடத்தக்கது