தமிழில் காதல் அழிவதில்லை, ஆஹா எத்தனை அழகு, காதல் கிசுகிசு உள்ளிட்ட படங்களில் நடித்தவர் நடிகை சார்மி. இவரும் பிரபல தெலுங்கு இயக்குனர் பூரி ஜெகன்னாத்தும் திருமணம் செய்து கொள்ள இருப்பதாக தகவல் பரவி உள்ளது. இது குறித்து ஐதராபாத்தில் நடந்த பட விழா நிகழ்ச்சியில் பூரிஜெகன்னாத் விளக்கம் அளித்துள்ளார். அவர் பேசும்போது, ”சார்மி இன்னும் இளமையான பெண்ணாக இருப்பதால் எங்கள் இருவரையும் இணைத்து தவறாக பேசுகின்றனர்.
காதல், கவர்ச்சி எல்லாம் கொஞ்ச நாட்கள்தான் நட்புதான் நிரந்தரம். சார்மியை 13 வயதில் இருந்தே எனக்கு தெரியும். 20 ஆண்டுகளாக அவரோடு சேர்ந்து பயணிக்கிறேன். அவர் எனக்கு நல்ல சினேகிதி. எங்கள் இருவர் இடையே எந்த தவறான உறவும் இல்லை” என்றார்.