நடிகர் தனுஷ் வீட்டில் வெடிகுண்டு வைக்கப்பட்டிருப்பதாக மர்ம நபர் ஒருவர் காவல் கட்டுப்பாட்டு அறைக்கு அலைபேசி மூலமாக தகவல் அளித்துள்ளார்.
அபிராமபுரத்தில் இருக்கின்ற நடிகர் தனுஷ் வீட்டில் வெடிகுண்டு வைக்கப்பட்டிருப்பதாக காவல் கட்டுப்பாட்டு அறைக்கு போன் மூலமாக தகவல் வந்துள்ளது. அதனால் மோப்ப நாய் மற்றும் வெடிகுண்டு தடுப்பு பிரிவு போலீசார் தனுஷ் வீட்டுக்குச் சென்று சோதனை நடத்தினர். ஆனால் சோதனையில் வெடிகுண்டு எதுவும் சிக்கவில்லை.
அதன் பிறகு அது பொய் தகவல் என்று தெரியவந்தது. அதுமட்டுமன்றி விஜயகாந்த் வீட்டிற்கு மிரட்டல் விடுத்த அதே மர்ம நபர் தான் தனுஷ் வீட்டிற்கு மிரட்டல் விடுத்திருப்பது தெரியவந்தது.வெடிகுண்டு மிரட்டல் விடுத்த மர்ம நபர் யார் என்று போலீசார் தீவிர விசாரணையில் ஈடுபட்டு வருகின்றனர்.