தமிழ் சினிமாவில் பிரபலமான நடிகராக வலம் வரும் தனுஷ் பாலிவுட், கோலிவுட், ஹாலிவுட் என கலக்கி வருகிறார். இவர் வாத்தி என்ற திரைப்படத்தின் மூலம் தெலுங்கிலும் அறிமுகமாக இருக்கிறார். அதன் பிறகு நடிகர் தனுஷ் நடிப்பில் சமீபத்தில் வெளியான திருச்சிற்றம்பலம் திரைப்படம் வெற்றிகரமாக திரையரங்குகளில் ஓடிக்கொண்டிருக்கிறது.
இந்த படத்தை தொடர்ந்து இயக்குனர் செல்வராகவன் இயக்கத்தில் நடிகர் தனுஷ் நானே வருவேன் என்ற திரைப்படத்தில் நடித்துள்ளார். இந்த படத்தில் நடிகை எல்லி அவ்ரம், இந்துஜா ரவிச்சந்திரன், நடிகர் பிரபு, யோகி பாபு உள்ளிட்ட பலர் முக்கிய வேடங்களில் நடித்துள்ளனர். இப்படத்தை வி கிரியேஷன்ஸ் சார்பில் கலைப்புலி எஸ். தாணு தயாரிக்க, யுவன் சங்கர் ராஜா இசை அமைத்துள்ளார்.
இந்த படம் செப்டம்பர் 29-ஆம் தேதி 600-க்கும் மேற்பட்ட திரையரங்குகளில் ரிலீசாக இருக்கிறது. இந்நிலையில் நானே வருவேன் திரைப்படத்திற்கு தணிக்கை குழு யு/ஏ சான்றிதழ் வழங்கியுள்ளது. இந்த தகவலை நடிகர் தனுஷ் தன்னுடைய ட்விட்டர் பக்கத்தில் ஒரு போஸ்டருடன் தெரிவித்துள்ளார். இதன் காரணமாக படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது.
Naane varuven U/A pic.twitter.com/U5NmCQxY9r
— Dhanush (@dhanushkraja) September 22, 2022