நடிகர் ஜெய் நடிப்பில் உருவாகியுள்ள குற்றமே குற்றம் படம் ஓடிடியில் ரிலீஸாக இருப்பதாக தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வருபவர் ஜெய். இவர் நடிப்பில் வெளியான சுப்ரமணியபுரம், ராஜா ராணி, எங்கேயும் எப்போதும் உள்ளிட்ட பல திரைப்படங்கள் சூப்பர் ஹிட் அடித்தது. தற்போது நடிகர் ஜெய் இயக்குனர் சுசீந்திரன் இயக்கத்தில் குற்றமே குற்றம் என்ற படத்தில் நடித்துள்ளார். இந்த படத்தில் திவ்யா கதாநாயகியாக நடித்துள்ளார். மேலும் காளி வெங்கட், ஹரிஷ் உத்தமன், சும்ருதி வெங்கட் உள்ளிட்ட பலர் முக்கிய கதாபாத்திரத்தில் நடித்துள்ளனர்.
கொரோனா ஊரடங்கு காரணமாக திரையரங்குகளில் வெளியாக இருந்த பல திரைப்படங்கள் ஓடிடியில் வெளியாகி வருகிறது. அந்த வகையில் குற்றமே குற்றம் திரைப்படம் ஓடிடியில் ரிலீஸாக இருப்பதாக தகவல் வெளியாகியுள்ளது. விரைவில் இந்த படத்தின் ரிலீஸ் தேதி அறிவிக்கப்பட்ட உள்ளதாக கூறப்படுகிறது. இதேபோல் திரிஷாவின் ராங்கி, ஹன்சிகாவின் மஹா, விஜய் சேதுபதியின் துக்ளக் தர்பார் உள்ளிட்ட படங்கள் ஓடிடியில் வெளியாக அதிக வாய்ப்பு இருப்பதாக தகவல்கள் பரவி வருகிறது.