கவின் நடிப்பில் உருவாகியுள்ள லிப்ட் படத்தின் டிரைலர் வெளியாகியுள்ளது .
விஜய் தொலைக்காட்சியில் ஒளிபரப்பான பிக்பாஸ் நிகழ்ச்சியின் மூன்றாவது சீஸனில் போட்டியாளராக கலந்து கொண்டு பிரபலமடைந்தவர் கவின். இவர் தமிழ் திரையுலகில் நட்புன்னா என்னன்னு தெரியுமா படத்தின் மூலம் கதாநாயகனாக அறிமுகமானார். தற்போது இவர் இயக்குனர் வினீத் வரபிரசாத் இயக்கத்தில் உருவாகியுள்ள லிப்ட் படத்தில் கதாநாயகனாக நடித்துள்ளார். இந்த படத்தில் பிகில் பட நடிகை அமிர்தா கதாநாயகியாக நடித்துள்ளார்.
எக்கா என்டர்டெயின்மென்ட் நிறுவனம் தயாரித்துள்ள இந்த படத்திற்கு பிரிட்டோ மைக்கேல் இசையமைத்துள்ளார் . மேலும் இந்த படம் வருகிற அக்டோபர் 1-ஆம் தேதி டிஸ்னி பிளஸ் ஹாட்ஸ்டாரில் ரிலீஸாக உள்ளது. ஏற்கனவே இந்த படத்தின் பாடல்கள் வெளியாகி ரசிகர்களை வெகுவாக கவர்ந்தது. இந்நிலையில் லிப்ட் படத்தின் மிரட்டலான டிரைலர் வெளியாகி இணையத்தில் வைரலாகி வருகிறது .