‘நீட்ஸ்’ திட்டத்தின் கீழ், படித்த வேலைவாய்ப்பற்ற இளைஞர்கள் புதிதாக தொழில் துவங்க 10 லட்சம் முதல் 5 கோடி ரூபாய் வரை மானியத்துடன் மாவட்ட தொழில் மையம் மூலமாக கடனுதவி வழங்கப்படுகிறது. நாட்டின் வளர்ச்சிக்கு முக்கிய பங்களிப்பை அளிக்கக் கூடிய சிறு, குறு தொழில் முனைவோராக உருவெடுக்க விரும்புவோருக்கு பல்வேறு சலுகைகள் மத்திய, மாநில அரசுகளால் அளிக்கப்பட்டு வருகின்றன. அவற்றில் ஒன்றுதான் ‘நீட்ஸ்’ திட்டம்.
புதிய தொழில்முனைவோரை ஊக்குவிக்கும் வகையில், ‘புதிய தொழில்முனைவோர் மற்றும் தொழில் நிறுவன மேம்பாட்டு திட்டம்’ (நீட்ஸ்) என்ற திட்டம், அந்தந்த மாவட்ட தொழில் மையம் மூலமாகச் செயல்படுத்தப்பட்டு வருகிறது. இத்திட்டத்தின் கீழ் உற்பத்தி, சேவை தொழில்களுக்கு 10 லட்சம் ரூபாய் முதல் அதிகபட்சமாக 5 கோடி ரூபாய் வரை திட்ட மதிப்பீடு நிர்ணயிக்கப்பட்டு உள்ளது. தொழில் திட்டங்கள் உற்பத்தி அல்லது சேவை என்ற வகையில் இருக்க வேண்டும். இந்த திட்டத்தின் கீழ் வழங்கப்பெறும் உதவியை நிலம் வாங்க, அதில் தொழிற்சாலை அமைக்க, இயந்திரங்கள் அமைக்க, மூதலீடு ஆகியவற்றிற்கு உபயோகப்படுத்தப்படலாம்.
இத்திட்டத்தில் கடனுதவி பெற, விண்ணப்பதாரர், முதல் தலைமுறை தொழில்முனைவோராக இருக்க வேண்டும். குடும்ப ஆண்டு வருமான உச்சவரம்பு ஏதுமில்லை. பட்டப்படிப்பு அல்லது பட்டயப்படிப்பு அல்லது தொழில் பயிற்சி (ஐடிஐ) தேர்ச்சி பெற்ற 21 வயது முதல் 35 வரை உள்ள ஆண், பெண் விண்ணப்பிக்கலாம். சிறப்புப் பிரிவினராக (எஸ்.சி., எஸ்.டி., எம்.பி.சி., எக்ஸ்-சர்வீஸ்மேன், மைனாரிட்டி பிரிவினர், திருநங்கைகள், மாற்றுத் திறானாளிகள்) இருப்பின் 45 வயதிற்குள்ளும் இருக்க வேண்டும். ‘நீட்ஸ்’ திட்டத்தின் மூலம் வங்கிக் கடனுதவி பெறும் பயனாளிகளுக்கு திட்ட மதிப்பீட்டில் 25 சதவீதம் அல்லது அதிகபட்சமாக 30 லட்சம் ரூபாய் வரை தமிழக அரசின் மானியமாக வழங்கப்படும்.
சுயதொழில் துவங்கி பயன்பெற விரும்புவோர் www.msmeonline.tn.gov.in/needs அல்லது http://www.indcom.tn.gov.in/needs.html என்ற இணையத்தளத்தின் மூலம் இலவசமாக விண்ணப்பிக்கலாம். இணையதளத்தில் கல்வித்தகுதிக்கான சான்றிதழ், குடும்ப அட்டை அல்லது வாக்காளர் அடையாள அட்டை அல்லது வட்டாட்சியரால் வழங்கப்பட்ட இருப்பிட சான்று, விலைப்புள்ளி பட்டியல், திட்ட அறிக்கை மற்றும் சாதிச்சான்றிதழ் ஆகிய ஆவணங்களைப் பதிவேற்றம் செய்ய வேண்டும். பதிவேற்றப்பட்ட விண்ணப்பம் மற்றும் ஆவணங்கள் ஆய்வு செய்தபிறகு சம்பந்தப்பட்ட வங்கிக் கிளைகளுக்கு தகுதியின் அடிப்படையில் பரிந்துரை செய்யப்படும். கடன் ஒதுக்கீடு செய்தவர்களுக்கு, வங்கிகள் ஒப்புதல் அளித்ததும், உரிய பயிற்சி அளிக்கப்படும். பிறகு, மானியம் ஒதுக்கீடு செய்யப்படும்.
ஏற்கெனவே, மத்திய அல்லது மாநில அரசின் மானியத்துடன் கூடிய ஏதேனும் ஒரு திட்டத்தில் கடன் பெற்றவர்கள் இந்த திட்டத்தின் கீழ் விண்ணபிக்க இயலாது. தொழில் முனைபவர் தமிழ்நாட்டில் கடந்த மூன்று ஆண்டுகளாக தொடர்ந்து வசிப்பவராக இருத்தல் வேண்டும். வியாபாரம் சார்ந்த தொழில்கள் (மளிகை கடை, பொருட்களை வாங்கி, விற்கும் தொழில்) தொடங்க திட்டத்தில் விண்ணபிக்க இயலாது. இது குறித்து கூடுதல் விபரங்களுக்கு அந்தந்த மாவட்ட தொழில் மையத்தை அனுகலாம்.
உங்கள் கையில் பணம் இல்லாமல் போகும்போது, உங்கள் கைகளைத் தேய்த்து சும்மா இருக்க வேண்டியதில்லை. நீங்கள் ஃபோன்பேவைப் பயன்படுத்தலாம், இதில் உங்கள் வங்கியில் இருந்து உங்கள் பணத்தை எந்த வங்கிக்கும் செல்லாமல் எளிய வழியில் நீங்கள் விரும்பும் நபர்களுக்கு நேரடியாக அனுப்பலாம். கீழேயுள்ள லின்க்கைக் கிளிக் செய்து இப்போதே ஃபோன்பேவைப் டவுன்லோட் செய்யலாம்.
https://affilienet.o18.click/c?o=8859572&m=187&a=140691&aff_click_id={clickid}&source={pubid}