தெலுங்கு நடிகர் மகேஷ் பாபுவின் தந்தையான பழம்பெரும் நடிகர் கிருஷ்ணா ஆவார். இவரது மனைவியும், மகேஷ் பாபுவின் தாயுமான கட்டமனேனி இந்திரா தேவி சென்ற சில நாட்களாக நோயால் சிரமப்பட்டு வந்த நிலையில், ஐதராபாத்திலுள்ள ஏஐஜி மருத்துவமனையில் அனுமதிக்கப்பட்டார். இந்த நிலையில் இன்று அதிகாலை 4 மணியளவில் அவர் சிகிச்சை பலனின்றி இறந்தார்.
இதையடுத்து இந்திரா தேவியின் உடல் பத்மாலயா ஸ்டுடியோவில் இன்று காலை 9 மணி முதல் மதியம் 12 மணிவரை அஞ்சலிக்காக வைக்கப்படவுள்ளது. அவரது இறுதிஊர்வலம் நாளை மறு நாள் மகா பிரஸ்தானத்தில் நடைபெறுகிறது. நடிகர் மகேஷ் பாபுவின் தாயார் மறைவுக்கு தெலுங்கு பட நடிகர்கள் மற்றும் தமிழ், கன்னட திரைப்பட நடிகர், நடிகைகள் பலர் இரங்கல் தெரிவித்து வருகின்றனர்.