திருச்சி மாநகர ஆயுதப்படை வளாகத்தில் ரைபிள் கிளப் சார்பில் 47வது மாநில துப்பாக்கி சுடும் போட்டி கடந்த ஜூலை 24ஆம் தேதி துவங்கி ஜூலை 31ஆம் தேதி வரை நடைபெற்று வருகின்றது. இந்த போட்டியில் பங்கேற்பதற்கு சில தினங்களுக்கு முன்பு நடிகர் அஜித் திருச்சி சென்றார். அங்கு மூன்று பிரிவுகளில் நடைபெறும் போட்டிகளில் அவர் கலந்து கொண்டார்.
இந்நிலையில் அஜித் கலந்து கொண்டு வெற்றி பெற்ற பட்டியல் தற்போது வெளியாகி உள்ளது. அஜித்குமார், சென்டர் பயர் பிஸ்டல் மாஸ்டர் ஆண்கள் அணி பிரிவில் தங்கப் பதக்கம், ஸ்டாண்டர்டு பிஸ்டல் மாஸ்டர் ஆண்கள் அணி பிரிவில் தங்கப் பதக்கம், 50 மீட்டர் ப்ரீ பிஸ்டல் மாஸ்டர் ஆண்கள் அணி பிரிவில் தங்கப் பதக்கம், ஸ்டாண்டர்டு பிஸ்டல் மாஸ்டர் ஆண்கள் அணி பிரிவில் தங்கப் பதக்கம், 50 மீட்டர் ப்ரீ பிஸ்டல் ஆண்கள் அணி பிரிவில் வெண்கலப் பதக்கம், ஸ்டாண்டர்டு பிஸ்டல் ஆண்கள் அணி பிரிவில் வெண்கல பதக்கம் என 4 தங்கம், 2 வெண்கல பதக்கம் என மொத்தம் 6 பதக்கங்களை வென்றுள்ளார். பதக்கங்களை குவித்த அஜித்துக்கு பலரும் பாராட்டுக்களை தெரிவித்து வருகின்றனர்.